Knut Yran

Knut Yran
Statsborgarskap	Noreg
Fødd	18. juni 1920 Oslo
Død	17. juli 1998 (78 år)
Yrke	illustratør
Ektefelle	Unn Søiland Dale
Born	Vigdis Yran Dale
Knut Yran på Commons

Knut Otto Yran (fødd 18. juni 1920 i Oslo, død 17. juli 1998 på Mallorca) var ein norsk illustratør, designer og forfattar. Han var ein tonegjevande utøvar innan norsk reklame og bokkunst på 1950-talet og arbeidde 15 år som sjefsdesignar for elektronikkprodusenten Philips.

Liv og virke

Knut Yran var tilsett i Aschehoug forlag frå 1950 til 1953, då han fekk sitt eige reklamebyrå i Oslo. Frå 1966 til 1980 var han sjef for designavdelinga ved Philipskonsernet i Eindhoven i Nederland og busette seg der. Inspirert av blant anna japansk industridesign profesjonaliserte og koordinerte han dei mange designuttrykka til selskapet og skapte ein tydelegare einskapleg stil. Han var elles den andre presidenten i designorganisasjonen Icograda (International Council of Graphic Designar Associations) frå 1966 til 1968 og styreformann i Norsk Designråd (ND) frå 1982 til 1987. Han vart utnemnd til æresmedlem av tidlegare Norske Grafiske Designere, no Grafill.

Knut Yran illustrerte mange bøker og bokomslag, teikna postkort, plateomslag og ikkje minst plakatar, fleire med Noregs-reklame og troll, mellom anna vinnarplakaten til vinter-OL i Oslo i 1952. Han utforma òg baksida av medaljen til leikane. Han vann fleire førstepremiar i internasjonale teikne- og formgjevingskonkurransar, mellom dei World Postar Championship for sin blide reklamefigur Samegutten i 1959. Han er enno i bruk som emballasjedekor på boksane med Joika. Knut Yran laga òg mange ex libris, det vil seie bokeigarmerke, og gav ut boka Ex libris. En orientering om bokmerke i 1946.

Bileta til Knut Yran er påverka av bruksteikningar i samtida i ein stilisert og dekorativ malarstil, men òg av morosame og klisjeprega reklamefigurar. Fleire av dei tidlege plakatane kan minne om det stramme, målte motivet til Harald Damsleth, men er utført med lettare og friare hand og meir moderne i uttrykket. Han laga sidan sitt eige korrespondansekurs i teikning.

Knut Yran gav ut diktsamlinga Verda bak dagane i 1942. Han var òg produsent for den norske filmsuksessen Vi giftar oss i 1952.

Knut Yran var ei tid gift med Unn Søiland (1926-2002). Dei fekk dottera, designaren, songaren og forretningskvinna Vigdis Augusta Yran Dale i 1956.

Bakgrunnsstoff

Plakatdøme

• Arbeid av Knut Yran på artnet.com
• Norway - The Cradle of Skiing 1951 Arkivert 2007-09-28 ved Wayback Machine.
• Olympiafilmen 1952 Arkivert 2007-09-28 ved Wayback Machine.
• Norway - There is a fjord in your future 1957 Arkivert 2007-09-28 ved Wayback Machine.
• Oslo - Norway's Viking Capital 1957 Arkivert 2007-09-28 ved Wayback Machine.
• Norway - Land of the Midnight Sun - Norgesplakat med «samegutten» 1958 Arkivert 2007-09-28 ved Wayback Machine.
• Fine Food 1960-talet Arkivert 2007-09-28 ved Wayback Machine.
• For outdoor fun 1960-talet Arkivert 2007-09-28 ved Wayback Machine.
• Oslo 1962 Arkivert 2007-09-28 ved Wayback Machine.
• Norway, Viking Wonderland 1962 Arkivert 2007-09-28 ved Wayback Machine.
• Norway for real trollidays! 1966 Arkivert 2007-09-28 ved Wayback Machine.
• Snowful Sunful Funful 1961 Arkivert 2007-09-28 ved Wayback Machine.
• Oslo, Norway - The Flower Capital 1966 Arkivert 2007-09-28 ved Wayback Machine.
• North Norway - where night takes a holiday 1968 Arkivert 2007-09-28 ved Wayback Machine.
• Norway - a good partner 1973 Arkivert 2007-09-28 ved Wayback Machine.

Kjelder

• Denne artikkelen bygger på «Knut Yran» frå Wikipedia på bokmål, den 28. august 2010.