Kragehai
| Kragehai | |
 Kragehai | |
| Utbreiing og status | |
Status i verda:  Livskraftig Utbreiinga av kragehai | |
| Systematikk | |
| Underrekkje: | Virveldyr Vertebrata |
| Klasse: | Bruskfiskar Chondrichthyes |
| Infraklasse: | Neoselachii |
| Overorden: | Squalomorphii |
| Orden: | Hexanchiformes |
| Familie: | Kragehaifamilien Chlamydoselachidae |
| Slekt: | Chlamydoselachus |
| Art: | Kragehai C. anguineus |
| Vitskapleg namn | |
| Chlamydoselachus anguineus | |
Kragehai (Chlamydoselachus anguineus) er ein bruskfiskart i kragehaifamilien. Han er ein av dei mest primitive haiane som lever i dag. Munnen er nesten endestilt. Haien har seks gjellespalter, kvar med eit kort frynseforma gjellelok. Det ser ut som om kragehaien har ein seksdobbel krage, noko som har gjeve han namnet.
Kragehaien har ein avlang og smal kropp på opptil 190 cm i lengd. Han er einsfarg brunleg. Rygg- og analfinnane sit langt bak, og halen er lang og sterkt skjeiv. Oppbygginga til haien har ei rad primitive trekk.
Kragehai lever av fisk. Han lever mest pelagisk og enkeltvis på 200–1 100 meters djup. Han føder levande ungar, opptil 12 stykk, som er 60 cm lange. Kragehaien vert ofte fanga på djupline i japanske farvatn etter 1970.
Kragehaien har ei verdsfemnande utbreiing. Nokre få funn (kring 25) er gjorde i Nord-Atlanteren, der eitt av dei var i Varangerfjorden i 1896.
Kjelder[endre | endre wikiteksten]
«kragehai» i Store norske leksikon, snl.no. Henta 23. desember 2017.
