Kraniebrot

Frå Wikipedia – det frie oppslagsverket
Hopp til navigering Hopp til søk
Eit skallestykke med impresjonsbrot (inntrykkingsbrot

Kraniebrot eller kraniefraktur er eit knokkelbrot i éin eller fleire av dei åtte knoklane som utgjer hjerneskallen i hovudskallen, og oppstår oftast etter stump traume. Viss slagkrafta er stor nok, kan knokkelen bryta i nærleiken av inntrykket og gjere skade på underliggjande strukturar som finst inni kraniet, som til dømes membranar, blodårer og hjernen, òg ved fråvær av brot.[1] Eit brot i hovudskallen vert òg kalla skallebrot og skallefraktur.

Ukompliserte kraniebrot kan oppstå utan fysisk eller nevrologisk skade og er i seg sjølv ikkje av klinisk signifikans, men brot i friske knoklar tydar på at ei monaleg kraft har treft skallen, noko som aukar sjansane for tilknytt skade. Eit kraftig slag mot hovudet fører til hjerneristing, med eller utan tap av medvite.[1]

Eit knokkelbrot i kombinasjon med overliggjande laserasjon som flengjer overhuden (epidermis) og hjernehinnene, eller som går gjennom bihòlene og mellomøyret slik at det ytre miljøet kjem i kontakt med kraniehòla, vert kalla eit «opent brot».

Det finst i hovudsak tre typar kraniebrot:[2]

  • Lineært kraniebrot — langsgåande brot
  • Impresjonsbrot (inntrykkingsbrot) — skallen er inntrykt
  • Basisbrot — brot i «golvet» av hovudskallen

Lineære kraniebrot er vanlegast og krev oftast ikkje intervensjon for sjølve brotet. Impresjonsbrot er oftast komminutte, med brotne fragment som er forskyvd innover. Dei krev oftast kirurgisk intervensjon for å reparere underliggande vev. Basisbrot oppstår i knoklane i basen av hovudskallen.

Kjelder[endre | endre wikiteksten]

  1. 1,0 1,1 «Hva kan skje ved et kraniebrudd?». Norsk Helseinformatikk, nhi.no (Norsk Helseinformatikk, nhi.no). 4. juni 2013. Henta 12. desember 2014. 
  2. «Kraniebrudd». Norsk Helseinformatikk, nhi.no (Norsk Helseinformatikk, nhi.no). 4. juni 2013. Henta 12. desember 2014. 
Spire Denne medisinartikkelen er ei spire. Du kan hjelpe Nynorsk Wikipedia gjennom å utvide han.