Kristian Brenden

Frå Wikipedia – det frie oppslagsverket
Hopp til navigering Hopp til søk
Kristian Brenden
Statsborgarskap Noreg
Fødd 12. juni 1976
Lillehammer
Idrett skihopping
Tok del i

Vinter-OL 1998

Kristian Brenden (fødd 12. juni 1976) er ein tidlegare norsk skihoppar frå Vinstra. Han deltok i 77 verdscuprenn. På dei 77 tevlingane vart det til saman to sigrar, to andreplassar og fire tredjepassar. Han vann to NM-gull, samt ein sølv og ein bronse. Brenden tevla for Tormod Skilag.

Brenden var fullstendig ukjend for det norske idrettspublikum då han i 1996 vart noregsmeister i Bjørkelibakken i Stryn. Han vann rennet med stor margin til Arve Vorvik og endå meir til bronsevinnaren Roar Ljøkelsøy.

Dei største sesongane for Brenden var 1997 og 1998. På forsesongen 1996/97 imponerte han stort, mellom anna vann han det eine verdscuprennet på Lillehammer, og vart nummer to i det andre. I det første rennet i den tysk-austerrikske hoppveka vart han nummer to, berre 0,4 poeng bak vinnaren Dieter Thoma. Samanlagt vart han nummer 11 i hoppveka og beste nordmann. Seinare i sesongen måtte han ta til takke med plasseringar eit stykke nede på listene. Året etter, 1998, fekk han sin andre siger i verdscupen, og både gull og sølv frå noregsmeisterskapane.

Under verdsmeisterskapen 1997 i Trondheim var Brenden på det norske laget som vart nummer fem i laghoppinga. Også i dei to neste meisterskapane var han på hopplaget. Under vinter-OL 1998 i Nagano vart det 4. plass, og under VM 1999 i Ramsau vart hopplaget nummer 6. Brenden var beste nordmann i normalbakken i OL 1998 med ein 8. plass, i den store bakken vart han nummer 13. Under VM 1999 vart han nummer 14 og 17 i dei to individuelle hopprenna.

Ulykke med paraglidar[endre | endre wikiteksten]

Sommaren 1999 vart Brenden alvorleg skadd då han krasjlanda med paraglidar. Han kom frå ulykka utan varige mein. Skihopparen Brenden nådde derimot ikkje tilbake til sitt best nivå, og la i 2002 opp som aktiv skihoppar.

Besteplasseringar i internasjonale meisterskap og renn[endre | endre wikiteksten]

  • 1996: Nr 24 i Iron Mountain (debut)
  • 1996/97: Siger på Lillehammer, to andreplassar (Lillehammer og Oberstdorf) og ein tredjeplass (Harrachov)
  • 1998: Siger i Zakopane og tre tredjeplassar; Oberstdorf og Lahti (2). Nr 8 i normal bakke under vinter-OL
  • 1998/99: To fjerdeplassar: Lillehammer og Planica
  • 2001: Nr 20 i Harrachov (skiflyging)

Medaljar og besteplasseringar i noregsmeisterskap[endre | endre wikiteksten]

  • 1996: Gullmedalje i normalbakken i Stryn
  • 1997: Nr 11 i storbakken på Lillehammer
  • 1998: Gullmedalje i storbakken i Meldal og sølvmedalje i normalbakken i Trondheim
  • 1999: Nr 5 i normalbakken på Raufoss
  • 2000: Nr 8 i storbakken i Meldal
  • 2001: Bronsemedalje i storbakken i Trondheim

Kjelde[endre | endre wikiteksten]

  • Sportsboken, aktuelle årgangar

Bakgrunnsstoff[endre | endre wikiteksten]