Kristoffer Skåne Grytnes

Frå Wikipedia – det frie oppslagsverket
Hopp til navigering Hopp til søk
Kristoffer Skåne Grytnes
Fødd27. juli 1887
Horten
Død22. juli 1965 (77 år)
Statsborgar avNoreg
PartiKristeleg Folkeparti
Yrkepolitikar

Kristoffer Skåne Grytnes (27. juli 188722. juli 1965) var ein norsk skulemann og politikar, fødd i Horten.

Grytnes var son til ein vognmann i Horten. Sjølv gjekk han skulevegen, og fullførte Notodden lærarskule i 1908. Same året vart han lærar i framhaldsskulen i Grue, åra 1909-13 ved folkeskulen i heimbyen. Frå 1913 til -20 underviste han ved den kristelege folkehøgskulen Danvik i Drammen, med unnatak for vinteren 1918/19, då han studerte ved Statens lærerhøjskole i København. Etter å ha vore lærar i tre år i Eidanger, fekk han i 1923 stillinga som styrar ved Fredheim ungdomsskole (=folkehøgskule) i BrønnøyHelgeland, der han vart verande til 1952.

Allereie i sitt fyrste år i Brønnøy vart Grytnes vald inn i menigheitsrådet, sidan var han i mange år medlem av bispedømmerådet i Hålogaland. Han var også formann i Norsk søndagsskoleforbund. Ved stortingsvalet hausten 1949 erobra han åttandemandatet i Nordland for Kristeleg Folkeparti, og vart dermed partiet sin fyrste stortingsrepresentant frå Nord-Noreg. Heile tingperioden 1950-53 var han medlem av protokollkomiteen.

Kjelder[endre | endre wikiteksten]