Ktheju tokës
| «Ktheju tokës» Song av Jonida Maliqi | ||
| Land | Albania | |
| Språk | Albansk | |
| Utgjeve | 8. mars 2021 | |
| Sjanger | Folk-elektronisk | |
| Lengd | 03:14 | |
| Selskap | RTSH, Universal | |
| Låtskrivar(ar) | Eriona Rushiti | |
|---|---|---|
| Produsent | Enis Mullaj | |
«Ktheju tokës» (norsk 'vend attende til landet') er ein albansk popballade frå 2019 som vert framført av songaren Jonida Maliqi. Songen vann den albanske songtevlinga Festivali i Këngës i desember 2018 og var det albanske bidraget til Eurovision Song Contest 2019 i Tel Aviv i Israel.
Bakgrunn[endre | endre wikiteksten]
«Ktheju tokës» er skriven av den albanske låtskrivaren Eriona Rushiti, og tittelen viser til albanarar og andre folkeslag som har utvandra frå heimlanda sine. Songen tek særleg for seg albanarar som har drege frå heimlandet, blant anna som følgje av Kosovokrigen.[1] Songen vert framført av songaren Jonida Maliqi og var ein av deltakarane i den tradisjonsrike songtevlinga Festivali i Këngës i regi av den albanske kringskastaren RTSH. I finalen 22. desember 2018 vann «Ktheju tokës», og vart dimed det albanske bidraget til Eurovision Song Contest 2019.[2][3]
Eurovision Song Contest[endre | endre wikiteksten]
I januar 2019 vart Albania trekt til å delta i den andre semifinalen av Eurovision Song Contest. Semifinalen vart arrangert i Expo Tel Aviv i Israel torsdag 16. mai, og Albania hadde startnummer 14.[4] I avrøystinga vart «Ktheju tokës» blant dei ti beste i semifinalen, og kvalifiserte seg dimed til finalen laurdag 18. mai.[5] I finalen vart songen nummer 17 av 26 deltakarar.[6]
Referansar[endre | endre wikiteksten]
- ↑ Adams, William Lee (22. desember 2018). «Albania: Jonida Maliqi wins Festivali i Këngës 57 with “Ktheju tokes”».
- ↑ «Jonida Maliqi - Albania — Tel Aviv 2019». Henta 7. mai 2019.
- ↑ «Albania picks Jonida Maliqi and presents the first song of 2019». 23. desember 2018. Henta 7. mai 2019.
- ↑ «Second Semi-Final of Tel Aviv 2019». EBU. Henta 5. mai 2019.
- ↑ «Second Semi-Final: Last 10 acts qualify for Eurovision 2019 Grand Final». EBU. 16. mai 2019. Henta 17. mai 2019.
- ↑ «Grand Final of Tel Aviv 2019». EBU. mai 2019. Henta 26. mai 2019.
- Denne artikkelen bygger på «Ktheju tokës» frå Wikipedia på bokmål, den 21. desember 2021.