Magnetanomalien i Kursk

Koordinatar: 51°15′13″N 37°40′10″E / 51.25361°N 37.66944°E / 51.25361; 37.66944
Frå Wikipedia – det frie oppslagsverket
(Omdirigert frå Kursk magnetiske anomali)
Magnetanomalien i Kursk
område
Land  Russland
Kart
Magnetanomalien i Kursk
51°15′13″N 37°40′10″E / 51.253611111111°N 37.669444444444°E / 51.253611111111; 37.669444444444
Wikimedia Commons: Kursk Magnetic Anomaly

Magnetanomalien i Kursk (russisk Курская магнитная аномалия - Kurskaja magnetnaja anomalija) er eit område rikt på jernmalm i Kursk, Belgorod og Voronezh oblast i Russland og utgjer ein viktig del av Den sentrale svartjordregionen. Magnetanoamlien i Kursk vert rekna som den største magnetanomalien i verda.[1]

Magnetanomailen i Kursk (KMA) vart først oppdaga i 1733 av den russiske astronomien og akademikaren Pjotr Inokhodtsev medan han lagde kart for dei russiske styresmaktene. Området vart først undersøkt igjen i 1875 då I. N. Smirnov gjorde dei første geomagnetiske undersøkingane i den europeiske delen av Russland. I 1883 gjorde N.D. Piltsjikov 71 observasjonar i magnetanomalien. Desse viste at omfanget var langt større enn tidlegare og for første gong vart jernmalm identifisert som årsaka. I 1884 fekk Piltsjkov sølvmedalen av Den russiske geografiske foreininga for oppdaginga.

Vidare undersøkingar av det økonomiske potensialet til anomalien vart gjort under Ivan Gubkin i 1920-1925, opphavleg for å undersøke om det kunne vere olje her. Det vart oppdaga rike malmårer i regionen rundt 1931. Malmen er spreidd over eit område på 120 000 km² og består av magnetittkvartsitt i metamorfe bergartar og prekambrisk granitt. Det er estimert at det finst 25 milliardar tonn kvartsitt med 23-37 % jerninnhald og meir enn 30 milliardar tonn med 52-60 % jerninnhald. Dagbrotmetoden vert nytta til å grave ut denne malmen ved Stojlenskoje, Lebedinskoje og Mikhailovskoje. Ved Korobkovskoj vert malmen henta ut frå gruver.

Kjelder[endre | endre wikiteksten]

  1. Patrick T. Taylor, Ralph R. B. von Frese og Hyung Rae Kim (2003). «Results of a comparison between Ørsted and Magsat anomaly fields over the region of Kursk magnetic anomaly (abstract)». Proceedings of the 3rd International ØRSTED Science Team Meeting (Danish Meteorological Institute): 47–50. Henta 22. desember 2007. 

51°15′13″N 37°40′10″E / 51.25361°N 37.66944°E / 51.25361; 37.66944