Kurt Westergaard
| Kurt Westergaard | |
 | |
| Pseudonym | KW |
| Statsborgarskap | Kongeriket Danmark |
| Fødd | 13. juli 1935 Døstrup |
| Død |
14. juli 2021 (86 år) |
| Yrke | teikneserieskapar, kunstmålar, karikaturteiknar, avistegner, journalist |
| Religion | ateisme |
| Kurt Westergaard på Commons | |
Kurt Westergaard, eigenleg Kurt Vestergaard, (13. juli 1935–14. juli 2021) var ein dansk lærar og teiknar frå landsbyen Døstrup i Region Nordjylland. Han vart vidkjend for si satiriske teikning av profeten Muhammed, publisert i Jyllands-Posten i 2005, ei teikning som førte til at han vart truga på livet.
Westergaard var avisteiknar for Jyllands-Posten frå 1983 til 2010. Hausten 2005 fekk han og 11 andre teiknarar i oppdrag av avisa å forme satiriske teikningar av profeten Muhammed. 30. september 2005 vart teikningane offentlege under overskrifta «Muhammeds ansigt». Teikninga viste profeten Muhammed sitt hovud, med ei tent lunte i turbanen.
Visse muslimske miljø reagerte med raseri, då enkelte retningar i islam held det for forkasteleg å avbilde profeten. Desse angreip danske ambassadar i Midt-Austen, og ei større diplomatisk krise mellom Danmark og land som Syria, Libanon og Egypt.
I 2008 avdekka dansk etterretningsteneste drapsplanar mot Westergaard. 1. januar 2010 braut ein 27 år gammal somaliar med øks seg inn i huset hans. Westergaard slapp unna attentatet då han fekk låst seg inne på eit rom, før attentatmannen vart overmanna og arrestert.