Kvammesteinen

Frå Wikipedia – det frie oppslagsverket
Hopp til navigering Hopp til søk
Niels Paaskes avteikniing av Kvammesteinen (1626)

Kvammesteinen var ein stor runestein som stod på Kvamme i Vik kommune i Sogn og Fjordane. Biskop Niels Paaske omtalte steinen og teikna av runene på den i 1626. Den stod nede ved sjøen, skreiv Paaske, ikkje langt frå naustet, men den var velt då han skildra den. Han skreiv òg at den var sju sjællandske alen høg, det vil seia omtrent 4,4 meter.[1] Steinen har med andre ord vore ein av dei høgaste runesteinane i landet. Etter 1626, året for Paaskes skildring, er det ingen som har kunna gje noka forklaring på kva som har skjedd med steinen. Det har vore gjort mange forsøk på å finna steinen, eller fragment av han, men forgjeves. Paaske fekk heldigvis teikna av runene:

krimr:birsa:sunr:risti:stin:þinat:þu(r) ...
katis:sunar:is:hir:uas:haukuin:is:stina:sia:st...

På norrønt vert det: Grímr Bersason reisti stein þenna at þor (...) son Ketilssonar, es hér vas hoggvin es steinn sjá stendr.

På moderne norsk er det: «Grim Bersason reiste denne steinen etter Tor (...) son av (...) Ketilsson, som vart hogd [ned] her der denne steinen står».

Runene er frå tidleg 1000-tal.

Kjelder[endre | endre wikiteksten]

  1. Liestøl (1957), s. 218