Kvitbrystmaurvarslar
| Kvitbrystmaurvarslar | |
 Foto: Bertrando Campos
| |
| Utbreiing og status | |
Status i verda:  Livskraftig Utbreiinga av Kvitbrystmaurvarslar | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Underklasse: | Neognathae |
| Overorden: | Neoaves |
| Orden: | Sporvefuglar Passeriformes |
| Familie: | Maurfuglar Thamnophilidae |
| Slekt: | Taraba |
| Art: | Kvitbrystmaurvarslar T. major |
| Vitskapleg namn | |
| Taraba major | |
Kvitbrystmaurvarslar, Taraba major, er ein stor maurfugl i den biologiske familien Thamnophilidae. Han er monotypisk i slekta Taraba.
Utbreiingsområdet er i den neotropiske regionen i det sørlege Mexico, Mellom-Amerika, Trinidad og Tobago og Sør-Amerika ned til nordlege Argentina og søraustlege Brasil.
Han lever i kratt, kakaoplantasjar og sitrusplantasjar og nokre gonger i hagar, med ein preferanse for tett undervegetasjon. Dei er vanlegvis funne som revirbundne par. Hoa legg to, iblant tre, kvite, gråflekka egg i eit djupt koppforma reir i ein busk. Egga blir ruga av begge kjønn i 14 dagar til klekking. Etter nye 12 dagar er ungane flygedyktige.
Kvitbrystmaurvarslar er ein stor og særeigen maurfugl, typisk 20,3 cm lang, og veg 56 gram. Han har fjørtopp på hovudet, kraftig nebb med krok i enden, og sterkt raudfarga augering. Den vaksne hannen har svart overside, med to kvite vengeband og kvit underside. Det er ein kvit flekk på ryggen som han normalt skjuler, men som han kan vise som eit trugsmål. Unge hannar er lik dei vaksne, men har raudbrune vengedekkarar. Hofuglar har rikt raudbrunt i oversida og kvit underside.
Kvitbrystmaurvarslar et insekt og andre leddyr som han plukkar frå bladverket. Det vil òg ta små øgler og pattedyr. Det er ein støyande art, som kan lokaliserast etter songen sin, 30-40 musikalske puk-puk-puk tonar, eller ein snerrande churrrr.
Kjelder[endre | endre wikiteksten]
- Første utgåva av artikkelen byggjer på «Great Antshrike» frå Wikipedia på engelsk, den 8. juli 2011, følgjande referansar var gjevne:
- French, Richard (1991). A Guide to the Birds of Trinidad and Tobago (2. utg.). Comstock Publishing. ISBN 0-8014-9792-2.
- Hilty, Steven L (2003). Birds of Venezuela. London: Christopher Helm. ISBN 0-7136-6418-5.
- BirdLife International (2014) Species factsheet: Taraba major Arkivert 2014-08-21 ved Wayback Machine.. Henta frå http://www.birdlife.org den 20. august 2014.
Bakgrunnsstoff[endre | endre wikiteksten]
Wikimedia Commons har multimedia som gjeld: Kvitbrystmaurvarslar
- Videoar, bilete og lydopptak av Kvitbrystmaurvarslar hos Internet Bird Collection