Kvithalsfrøetar

Frå Wikipedia – det frie oppslagsverket
Hopp til navigering Hopp til søk
Kvithalsfrøetar
Hannfugl frå Caño Negro, Costa Rica Foto: Hans Hillewaert
Hannfugl frå Caño Negro, Costa Rica
Foto: Hans Hillewaert
Status
Status i verda: LC Livskraftig
Systematikk
Rike: Dyr Animalia
Rekkje: Ryggstrengdyr Chordata
Underrekkje: Virveldyr Vertebrata
Klasse: Fuglar Aves
Orden: Sporvefuglar Passeriformes
Familie: Tanagarar Thraupidae
Slekt: Sporophila
Art: Kvithalsfrøetar S. torqueola
Vitskapleg namn
Sporophila torqueola

Kvithalsfrøetar (Sporophila torqueola) er ein liten representant frå den biologiske slekta Sporophila i tanagarfamilien. Dette er den mest nordlege arten i slekta, lever frå ekstremt sørlege Texas gjennom Mexico og Mellom-Amerika til vestlegaste Panama.

Skildring[endre | endre wikiteksten]

Kvithalsfrøetar, S. t. torqueola
Foto: Francesco Veronesi

Dette er ein liten til mellomstor frøetar, ca. 9,5–11 centimeter i kroppslengd. Det finst fire eller fem underartar som er skildra, og utsjånaden syner variasjon mellom underartane. Felles for alle er at hannar har kvit strupe og kvit krage som går opp mot nakken, svart hovud og kinn.

  • S. t. morelleti-gruppa, som femnar om underartane morelleti, sharpei' og 'mutanda[1]
Hannar har kvit (morelleti) underside og overgump. Andre underartar har svak kanelraud farge på undersida. Hoa sin fjørdrakt er brungul med tydelege kvite flekker på vengene. Denne populasjonen lever lengst nord og aust i utbreiingsområdet, frå Texas, langs atlanterhavskysten til Panama.
  • S. t. torqueola-gruppa, som omfatter underartene torqueola og nokre gonger ein skildra atriceps-underart.[2]
Hannar har kanelraud farge på undersida og overgumpen. Hoa sin fjørdrakt er brungul. Begge kjønn manglar kvitt vengespegl som morelleti har. Desse fuglane finst berre i Mexico, på sørspissen Californiahalvøya og langs sørlege delar av Mexico mot stillehavskysten.

Habitat for kvithalsfrøetarar ligg i tropiske og subtropiske grassletter, fuktige savannar med høgt gras, men kan òg finnast på beitemarker.[2] Dei kan beite frå havnivået og opp til 2000 moh.

Kvithalsfrøetarar et hovudsakleg grasfrø, og nokon gonger insekt og bær.

Populasjonen er ikkje estimert og er trudd å vere stabil. Arten (morelleti) er klassifisert som globalt livskraftig .[3]

Kjelder[endre | endre wikiteksten]

Referansar
  1. del Hoyo, J. & Collar, N. (2018) White-collared Seedeater (Sporophila morelleti) I: del Hoyo, J., Elliott, A., Sargatal, J., Christie, D.A. & de Juana, E. (red.) (2016). Handbook of the Birds of the World Alive. Lynx Edicions, Barcelona. Henta den 15. januar 2018
  2. 2,0 2,1 del Hoyo, J. & Collar, N. (2018) White-collared Seedeater (Sporophila torqueola) I: del Hoyo, J., Elliott, A., Sargatal, J., Christie, D.A. & de Juana, E. (red.) (2016). Handbook of the Birds of the World Alive. Lynx Edicions, Barcelona. Henta den 15. januar 2018
  3. BirdLife International (2018) Species factsheet: Sporophila morelleti. Henta frå http://www.birdlife.org den 15. januar 2018

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Kvithalsfrøetar