Kyoto

Frå Wikipedia – det frie oppslagsverket
Gå til: navigering, søk
Kyoto
Utsyn over Kyoto.
Utsyn over Kyoto.
Flagget til Kyoto Byvåpenet til Kyoto
Flagget til Kyoto Byvåpenet til Kyoto
Styresmakter
Land Japan
Borgarmeister Daisaku Kadokawa
Geografi
Flatevidd
 - By

827,90 km2 km²
Innbyggjarar
 - By (2010)
   - folketettleik

1,465,917
  1779/km²
Koordinatar 35°01′69″N 135°47′47″EKoordinatar: 35°01′69″N 135°47′47″E
Tidssone UTC + 9 (UTC+9)
Diverse anna
Heimeside: city.kyoto.jp
Plassering
Plassering av  Kyoto

Kyoto (japansk 京都市; Kyōto-shi) er ein by i Japan med 1 472 500 innbyggjarar (2006). Kyoto var hovudstad i Japan mellom 794 og 1868, før hovudstaden vart flytta til Edo, som no heiter Tokyo.

Historie[endre | endre wikiteksten]

Kyoto i 1891.

Byen blei grunnlagd i 794 og bygd etter mønster frå den dåverande hovudstaden i Kina, Changan. Ved grunnlegginga blei det også skipa silkeveveri som byen framleis er kjend for. Kyoto var japansk hovudstad og residensby for keisarfamilien i over tusen år, fram til 1868. Etter dette har byen meir eller mindre smelta saman med industribyane Osaka og Kobe.

Inngangen til Fushimi Inari-tempelet i Kyoto.

Geografi[endre | endre wikiteksten]

Kyoto ligg nær sørenden av Biwasjøen, 50 km nordaust for Osaka, som han har vokse saman med i eit storbyområde. Byen ligg langs Tokaido-jernbanen mellom Tokyo og Osaka.

Bybildet er ei blanding av moderne funksjonell arkitektur og tradisjonell japansk bygggekunst. Det fins ei rekkje praktfulle gamle bygningar, som shinto- og buddhist-tempel og andre heilagdommar. Det gamle keisarpalasset er blant dei beste døma på tradisjonell japansk arkitektur, og Nijo-borga (1603) er den mest berømte borga frå Tokugawa-shogunatet. Med sine mange slott og tempel er Kyoto ein av dei største turistattraksjonane i Japan.

Næringsliv og institusjonar[endre | endre wikiteksten]

Byen er senter for kunstindustrien i Japan, og er særleg kjend for silkeveveri, porselen, lakkarbeid, sølv, emalje og liknande. Moderne kjemisk, elektronisk og mekanisk industri ligg i utkantane av byen, særleg i sør og vest. Kyoto er også eit av dei viktigaste sentera i landet for engroshandel med tekstilar og konfeksjonsvarer, og eit betydeleg bank- og finanssenter.

Kyoto er elles eit viktig kultursenter med fleire universitet som Kyoto-universitetet (grunnlagd 1897), det kristne Doshisha-universitetet (1875) og fleire buddhistiske universitet. Byen har eit nasjonalmuseum, kunstmuseum og bibliotek.

Anna[endre | endre wikiteksten]

Kyoto har gjeve namn til Kyoto-avtalen, som skal avgrense verdas utslepp av drivhusgassar.

Kjelder[endre | endre wikiteksten]

  • «Kyoto» (14. februar 2009). I Store norske leksikon. Fri artikkel henta 5. juni 2015.

Bakgrunnsstoff[endre | endre wikiteksten]

Commons-logo.svg Wikimedia Commons har multimedia som gjeld: Kyoto
Spire Denne geografiartikkelen som har med Japan å gjere er ei spire. Du kan hjelpe Nynorsk Wikipedia gjennom å utvide han.