Kysttunnelfugl
| Kysttunnelfugl | |
 Kysttunnelfugl | |
| Utbreiing og status | |
Status i verda:  Livskraftig Utbreiinga av Kysttunnelfugl | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Familie: | Omnfuglar Furnariidae |
| Slekt: | Tunnelfuglar Geositta |
| Art: | Kysttunnelfugl G. peruviana |
| Vitskapleg namn | |
| Geositta peruviana | |
Kysttunnelfugl (Geositta peruviana) er ein fugleart i underfamilien Sclerurinae, som inkluderer lauvvendarar og tunnelfuglar, i omnfuglfamilien Furnariidae. Han er endemisk for Peru.[1]
Taksonomi og systematikk
[endre | endre wikiteksten]Kysttunnelfugl har tre underartar: nominatforma G. p. peruviana (Lafresnaye, 1847), G. p. paytae (Ménégaux & Hellmayr, 1906) og G. p. rostrata (Stolzmann, 1926).[2] Blant medlemmene i slekta Geositta er kysttunnelfugl nærast nærståande med patagoniatunnelfugl (G. cunicularia) og langnebbtunnelfugl (G. tenuirostris).[2]
Skildring
[endre | endre wikiteksten]Kysttunnelfugl er ein liten representant for slekta si. Han er 12 til 14,5 cm lang og veg 16 til 19 gram. Kjønna er like. Fjørdrakta er generelt diffust farga i grått og brunt med minimale kontrastar. Nominatforma har lysebrun overside med noko lysare overgump; dei to andre underartane er lysare sandbrune på oversida. Dei midtre halefjørpar deira er høvesvis brunt og sandbrunt. Fuglen har ei lys augebrynstripe og kremkvite undersider. Irisen er mørk brun, nebbet er blågrått med ein svart ytre tredel, og beina er kvitgrå til grønleg sølvfarga.[2]
Kysttunnelfugl er endemisk for Peru. Underarten G. p. paytae finst lengst nord, i nordvest mellom regionane Tumbes og Ancash. Nominatforma finst i sentrale Peru frå Ancash sør til Lima. G. p. rostrata finst berre i den sørvestlege regionen Ica. Arten lever i opne sandområde på kystsletta - gjerne utan vegetasjon, frå sanddyner ved sjøen til område innlands nesten ved foten av Andesfjella. Han finst frå havnivå opp til 700 moh. Utbreiingsområdet svarar omtrent til den peruanske kystørkenen nord for Arequipa-regionen.[2]
Kysttunnelfugl er standfugl i heile utbreiingsområdet sitt. Han er for det meste terrestrisk, men kan sitje over bakken på låg vegetasjon eller på menneskeskapte strukturar.[2]
Nesten ingenting er kjend om denne tunnelfuglen sine matvanar eller mathaustingsteknikk. Ein trur at han hovudsakleg lever av terrestriske virvellause dyr.[2]
Berre eitt reir av kysttunnelfugl er skildra. Det låg i eit utvida kammer i enden av ein to meter lang tunnel og inneheldt to kvite egg.[2]
Verdas naturvernunion (IUCN) har kategorisert arten som livskraftig, LC.[3]
Kjelder
[endre | endre wikiteksten]- Denne artikkelen bygger på «Coastal miner» frå Wikipedia på engelsk, den 1. januar 2025
- Referansar
- ↑ Gill, F.; Donsker, D.; Rasmussen, P., red. (January 2023), «Ovenbirds, woodcreepers», IOC World Bird List, v 13.1, henta 1. januar 2025
- ↑ 2,0 2,1 2,2 2,3 2,4 2,5 2,6 Schulenberg, T. S. (2020). Coastal Miner (Geositta peruviana), version 1.0. In Birds of the World (T. S. Schulenberg, Editor). Cornell Lab of Ornithology, Ithaca, NY, USA. https://doi.org/10.2173/bow.coamin1.01 henta 1. januar 2025
- ↑ BirdLife International (2016). «Coastal Miner Geositta peruviana». IUCN Red List of Threatened Species 2016: e.T22701988A93856325. doi:10.2305/IUCN.UK.2016-3.RLTS.T22701988A93856325.en. Henta 1. januar 2025.
Bakgrunnsstoff
[endre | endre wikiteksten]
- (no) Kysttunnelfugl hos Artsdatabanken
- (en) Kysttunnelfugl i Encyclopedia of Life
- (en) Kysttunnelfugl i Global Biodiversity Information Facility
- (en) Kysttunnelfugl hos ITIS
- (en) Kysttunnelfugl hos NCBI
- (en) Kategori:Geositta peruviana – bilete, video eller lyd på Wikimedia Commons
- Geositta peruviana – detaljert informasjon på Wikispecies
