Løten kommune

	Løten kommune
	kommune
	Kommunevåpen
	Kommunevåpen
Land	Noreg
Fylke	Innlandet
Adm.senter	Løten
Areal	369,44 km²
- land	362,85 km²
- vatn	6,59 km²
Folketal	7 715 (1. januar 2022)
Målform	bokmål
Ordførar	Marte Larsen Tønseth (Sp)
Kommunenr.	3412
	; Løten; 60°49′31″ N 11°23′27″ E
	Wikimedia Commons: Løten
	Nettstad: www.loten.kommune.no

Løten er ein kommune i Innlandet fylke. Kommunen ligg mellom Hamar og Elverum. Namnet Løten kjem av norrønt Lautin. Ordet er ein kombinasjon av «Laut» og «vin». Laut tyder ei djupne i bakken og «vin» tyder eng. Namnet vart skrive «Løten» frå starten av 1800-talet.

Løten den av dei opphavlege tettstadane på Hedmarken som låg lengst aust. Området har vore ei gjennomfartsåre for trafikk mellom aust og vest i uminnelege tider. Det gamle kommunesenteret låg ved Løten kyrkje, som er frå 1200-talet. Då jarnbanen Grundsetbanen vart opna i 1862, vart Løten stasjon det nye senteret for handel og administrasjon.

Løiten Brænderi, som vart oppretta i 1855, har vore med å gjera Løten kjend. Akevitt-produksjonen vart overteke av Vinmonopolet i 1927, men råspritproduksjonen heldt fram til 1990-åra. Den tradisjonsrike Løiten-akevitten vert i dag produsert av Arcus Produkter.