Laksjmi
| Lakshmi | |
|---|---|
| Morgudinne Rikdom, lukke, grøde, overflod og venleik[1][2] Øvstegudinne i vaishnavisme[3] | |
| Del av Tridevi og pantsja prakriti | |
 | |
| Andre namn | |
| Devanagari | लक्ष्मी |
| Tilknytt | |
| Heim | |
| Mantra | Oṃ Śrīṃ Mahālakṣmyai Namaḥ Oṃ Śrīṃ Śriye Namaḥ |
| Symbol | |
| Tre | Tulsi |
| Dag | Fredag |
| Vahana | |
| Kjønn | kvinne |
| Festivalar | |
| Familie | |
| Sysken | Alakshmi |
| Ektemake | Visjnu |
| Barn | Kamadeva[5][6][7][8] |
Laksjmi (sanskrit लक्ष्मी, lakṣmī) er gudinne for lys, grøde, rikdom og lukke innan hinduismen, djainismen og til dels buddhismen. Ho er kona til Visjnu, og har opptredd i fleire inkarnasjonar saman med han, til dømes som Sita, Rukmini og Alamelu. Gudinna er òg kjend under namn som Sjri og Narajani, Sjridevi eller berre Devi, og ei rekke andre nemningar som viser til eigenskapane hennar kan brukast om henne.
Gudinna står både for verdsleg og åndeleg rikdom, og kan òg signa med eigenskapar som venleik og visdom. Ho er rekna som gåvmild og vernande, og namna «Laksjmi» eller «Sjri» blir ofte brukt som prefiks eller titlar for personar, verksemder eller noko anna som ein ønskjer ho skal signa.
Tilbeding
[endre | endre wikiteksten]Gudinna blir særleg tilbeden under dipavali, då ein tenner levande lys og i nokre samfunn spelar pengespel til ære for henne, og varamahalaksjmi vrata, då gifte kvinner ber om signinga hennar til familien sin. Av dagane i veka er fredagen vigd henne.
Ein finn Laksjmi i dei fleste vaisjnavatempel, men få av dei er vigde berre til henne. Det nye Asjtalaksjmitempelet i Chennai har likevel framstillingar av alle dei åtte formene av gudinna.
Statuar eller relieff av Laksjmi blei ofte plasserte ved inngangsportar for å bringa lukke til det som låg innanfor, anten det var eit slott eller ein landsby.
Mytologi
[endre | endre wikiteksten]I følgje hinduisk mytologi kom Laksjmi til syne då devaene og asuraene rørte i mjølkehavet ved byrjinga av verda. Ho var strålande vakker og heldt sigerskransen vidjayanthi medan to kvite elefantar bada henne i mjølk og lotusblomar krinsa rundt føtene hennar. Med tilsynekomsten hennar kom òg livet og gleda til verda. Ho valde Visjnu som ektemake.
Tidlegare forteljingar seier at ho var dotter av vismannen Brighu og kona Khajati.
Gudinna har ei eldre syster, Ahalaksjmi, som står for alt det motsette av signingane hennar.
Framstillingar
[endre | endre wikiteksten]Gudinna blir typisk framstilt som ung og vakker, men likevel moderleg, sitjande eller ståande gjerne på ein lotus, sjølv om ho òg kan ri på ei ugle. Ei eller to hender er strekte fram med handflata ut for å signa dei som tilber henne. Dersom framstillinga har fleire par armar, held to av dei ofte ein lotus kvar.
Laksjmi kan ha ein lukkebringande raud sari på seg, dekorert med gull, som sjølvsagt står for rikdom. Andre tydelege symbol på dette er ei gylden hud, at ho har mange smykke og annan pynt på seg, at elefantar spruter vatn over henne, eller at pengar strøymer frå ei av hendene hennar.
Laksjmi har åtte hovudformer som står for ulike former for rikdom:
| Asjta laksjmi | Står for | Forklaring |
|---|---|---|
| Ádi Laksjmi | Den første | (hovudforma av Laksjmi) |
| Dhanja Lakshmi | Korn | (haust) |
| Dhairja Lakshmi | Mot | (styrke) |
| Gadja Lakshmi | Elefant | (overflod — elefantane er symbol på lukke og grøde) |
| Santána Lakshmi | Ungar | |
| Vidjaya Lakshmi | Siger | (til dømes over dårlege impulsar) |
| Dhana Lakshmi | Rikdom | (av pengar og anna) |
| Vidjá Lakshmi | Lærdom |
Anna
[endre | endre wikiteksten]Blant hinduar er Laksjmi og avleidde namn svært vanlege.
Galleri
[endre | endre wikiteksten]
Laksjmi-skulptur
Laksjmi måla av Ravi Varma.
Kjelder
[endre | endre wikiteksten]- ↑
- Journal of Historical Research, Volumes 28-30. Department of History, Ranchi University. 1991. s. 3. «Lord Visnu is the refuge of the world and Goddess Lakshmi is the energy behind the Universe.»
- Amulya Mohapatra; Bijaya Mohapatra (1993). Hinduism: Analytical Study. Mittal Publications. s. 26. ISBN 978-81-7099-388-9. «Sri or Laxmi is the goddess of wealth and fortune, power and beauty.»
- Bulbul Sharma (2010). The Book of Devi. Penguin Books India. s. 47. ISBN 978-0-14-306766-5. «Sri or Lakshmi, as depicted in the sacred texts, is the goddess of wealth and fortune, royal power and beauty.»
- Stephen Knapp (2012). Hindu Gods & Goddesses. Jaico Publishing House. s. 132. ISBN 978-81-8495-366-4. «Goddess Lakshmi is the consort and shakti, or potency, of Lord Vishnu. Lakshmi, or Sri when she is especially known as the goddess of beauty (though sometimes considered to be separate entities), is the goddess of fortune, wealth, power, and loveliness.»
- David Kinsley (1989). The Goddesses' Mirror: Visions of the Divine from East and West. SUNY Press. s. 55. ISBN 978-0-88706-836-2.
- David Monaghan; Ariane Hudelet; John Wiltshire (10 January 2014). The Cinematic Jane Austen: Essays on the Filmic Sensibility of the Novels. McFarland & Company. s. 153. ISBN 978-0-7864-5322-1. «In Hindu mythology, Lakshmi is the goddess of wealth, power and beauty.»
- Kaushal Kishore Sharma (1988). Rabindranath Tagore's Aesthetics. Abhinav Publications. s. 26. ISBN 978-81-7017-237-6. «Lakshmi, our Goddess of wealth, represents not only beauty and power but also the spirit of goodness.»
- ↑ lakṣmī Arkivert 20 May 2015 ved Wayback Machine., Monier-Williams' Sanskrit–English Dictionary, University of Washington Archives
- ↑ Lakshmi Tantra, Volumes -13. Motilal Banarasidas Publishers. 2007. s. 70. ISBN 978-81-208-1735-7.
- ↑ «Translating the secrets of Makara Sankranti». Times of India. 14. januar 2021.
- ↑ https://books.google.com/books?id=nPxLEAAAQBAJ&pg=PT73
- ↑ https://books.google.com/books?id=ePCAEQAAQBAJ&pg=PA41
- ↑ https://books.google.com/books?id=NJyn5EYy8loC&pg=RA2-PA92
- ↑ https://books.google.com/books?newbks=0&id=KJBPAQAAMAAJ&focus=searchwithinvolume&q=kama
Bakgrunnsstoff
[endre | endre wikiteksten]- «Bestower of fortune» Arkivert 2006-03-16 ved Wayback Machine. på hinduonnet.com (engelsk)
- Asjatalaksjmitempelet i Chennai (engelsk)
- 108 namn for Laksjmi (engelsk)
