Lars Knutson Liestøl

Frå Wikipedia – det frie oppslagsverket
Lars Knutson Liestøl

Fødd13. juni 1839
Åseral
Død15. desember 1912 (73 år)
Statsborgar avNoreg
PartiVenstre
Yrkepolitikar
Alle verv

Lars Knutson Liestøl (fødd 13. juni 1839 i Åseral, død 15. desember 1912 i Kristiansand) var ein norsk lensmann, gardbrukar og politikar for partiet Venstre. Liestøl var statsråd og sjef for Revisjonsdepartementet frå 5. mars 1888 til 22. februar 1889 i Johan Sverdrups regjering. Frå oktober til desember 1888 leidde han også Indredepartementet. Knut Larsson Liestøl og hustru Gyro Grundesdotter var foreldra hans. Knut Liestøl var ein brorson.

Liv og gjerning[endre | endre wikiteksten]

Liestøl vart innvald til Stortinget i heile ti periodar, første gong i 1874. Han døyde før han tok fatt på sin tiande periode. Mesteparten av tida var han medlem av justiskomiteen.

Liestøl var sterkt engasjert i målsaka, og var i 1885 med å vedta jamstillinga mellom dei to målformene i landet.[1]

« Eg kan ikkje længre halde det ut med at skriva Dansk, fyredi Tankarne verde so

innesnørde som ei turka Næver.

»

—Brev frå Lars Liestøl til faren Knut Larson Liestøl i 1865[2]

Liestøl var lensmann i Bygland frå 1866 til 1888 og hadde rydningen på garden Frøysnes frå 1870. Han sat i Bygland heradsstyre i 36 år og var ordførar i bygda i tolv år. Han hadde i tillegg ein rekkje lokale offentlege verv.

Han var sjølvlærd i engelsk språk, og studerte engelsk og særskild amerikansk historie. Han hadde også særskilde evner for teikning.

Han vart i 1899 utnemnd til riddar av St. Olavs Orden.

Kjelder[endre | endre wikiteksten]

  • Den Kongelige norske Sankt Olavs orden 1847-1947, utgjeve av ordenskanselliet ved O. Delphin Amundsen, Grøndahl & Søns Forlag, Oslo, 1947

Fotnotar[endre | endre wikiteksten]

  1. Ottar Grepstad: «Språkleg valfridom: eit demokratisk dilemma». Føredrag på Språk 2005 i Bærum kulturhus, Sandvika 9. april 2005.
  2. Åsulv Frøysnes: «Lars Liestøl og målsaka», Syn og Segn 1971, s. 157

Bakgrunnsstoff[endre | endre wikiteksten]