Lars Soelberg

Lars Soelberg
	Lars Soelberg
	;
Fødd	14. februar 1828; Soknedal
Død	23. februar 1907 (79 år)
Statsborgar av	Noreg
Parti	Venstre
Yrke	politikar, bonde
Far	Ole Ingebrigtsen Soelberg
Alle verv	stortingsrepresentant (1880–1882); ordførar i Nedre Stjørdal (1864–1867); ordførar i Nedre Stjørdal (1872–1875); vararepresentant til Stortinget (1859–1861); vararepresentant til Stortinget (1862–1864); vararepresentant til Stortinget (1865–1867); vararepresentant til Stortinget (1868–1870); vararepresentant til Stortinget (1871–1873); vararepresentant til Stortinget (1874–1876); vararepresentant til Stortinget (1877–1879); stortingsrepresentant (1886–1888); stortingsrepresentant (1889–1891); stortingsrepresentant (1892–1894) ;

Lars Olsen Soelberg (14. februar 1828–23. februar 1907) var ein norsk gardbrukar og politikar frå Soknedal i Sør-Trøndelag. Han representerte partiet Venstre, hadde i 14 år sete på Stortinget. Ole Ingebrigtsen Soelberg var far hans.

Soelberg arbeidde som kontorist hos sorenskrivaren i Gauldal. Der var han i 2 1/2 år, gjekk deretter 1-årig landbruksskule på Munkvoll. Frå 1850 forpakta han garden Vikhammar i Malvik i fem år. Han kjøpte då garden Hognes i Stjørdal og dreiv denne frå 1855 til 1898. Han var ordførar i Stjørdal 1864-67 og 1872-75, og til saman i heradsstyret og/eller formannskapet i 38 år. Soelberg var valmann til Stortinget 15 gongar, fyrste gongen i 1856. Han vart sjølv innvald representant frå Nordre Trondhjems amt i fire periodar, 1880-82 og 1886-94, men møtte fyrste gongen 1878-79 som 1. varamann. Han var frå 1878 til -83 medlem av tollkomiteen, sekretær i same komiteen 1886-94. Heile si tid som vald representant var han medlem av Lagtinget, siste tingperioden var han sekretær i same. 1892-94 var han i tillegg medlem av valkomiteen.

Soelberg døydde 1907 på garden i Stjørdal.

Kjelder[endre | endre wikiteksten]

Lindstøl, Tallak:Stortinget og Statsraadet 1814-1914. Kristiania, 1914

Litteratur[endre | endre wikiteksten]

Tormod Røe: Stjørdal kommune 1837–1987 : Kommunalt selvstyre 150 år (1987), s. 58.

Bakgrunnsstoff[endre | endre wikiteksten]

Biografisk informasjon om Lars Soelberg NSD Norsk senter for forskningsdatas politikararkiv