Lars T. Platou
| Lars T. Platou | |
| Statsborgarskap | Noreg |
| Fødd | 2. juli 1920 Stavanger kommune |
| Død | |
| Yrke | politikar, ingeniør, bonde, lokalhistorikar, motstandskjempar |
| Språk | norsk |
| Politisk parti | Høgre |
Lars Tokstad Sem Platou (2. juli 1920–30. mai 2003) var ein norsk gardbrukar, sivilingeniør og politikar, fødd i Stavanger. Han var stortingsrepresentant for Høgre frå Hedmark frå 1965 til 1977.
Platou var son til ein gardbrukar og sivilingeniør, og gjekk sjølv same livsvegen. Han vart student i 1939 og tok eksamen ved elektrolinja ved NTH i 1946. Frå 1941 til 1982 dreiv han garden Tokstad i Veldre. Samstundes var han tilsett ved Elektrobygg A/S på Hamar i tida 1948-75, og dreiv eige konsulentfirma i elektroteknikk fram til 1985.
Han engasjerte seg tidleg partipolitisk for Høgre. I 1965 fekk han stortingsplass for Høgre etter eit godt stortingsval for partiet. Han var medlem av kommunalkomiteen i den fyrste fireårsbolken, medan han i den andre valperioden var formann i finanskomiteen. I den siste fireårsperioden tok Arbeidarpartiet formannposisjonen i same komiteen, og Platou var nestformann. Platou var andre viseformann i Høgre perioden 1970-72 og første viseformann i 1972–78.