Leif Østby

Frå Wikipedia – det frie oppslagsverket
Leif Østby
Statsborgarskap Noreg
Fødd 2. januar 1906
Død

23. desember 1988 (82 år)

Yrke kunsthistorikar
Språk norsk

Leif Østby (fødd 2. januar 1906 i Skjeberg, død 23. desember 1988)[1][2] var ein norsk kunsthistorikar. Han vart cand.philol. i 1933 og var lektor frå 1934 til etter den andre verdskrigen. I 1946 vart han konservator ved Nasjonalgalleriet, tre år seinare førstekonservator, ei stilling han hadde til 1973. Han var medarbeidar i Kunst og Kultur frå 1955, og var redaktør av tidsskriftet frå 1962 til 1980.

Bibliografi[endre | endre wikiteksten]

Leif Østby var forfattar og gav ut fleire bøker om kunst og kunstnarar. I 1985 fekk han Det Norske Akademis Pris til minne om Thorleif Dahl. Prisen vert gjeve for framifrå skjønnlitterært eller faglitterært forfattarskap på riksmål.

  • Publikasjonar av Leif Østby i BIBSYS
  • Fra naturalisme til nyromantikk 1934
  • Norske portretter 1935
  • Norges kunsthistorie 1938, kom i ei rekke utgåver
  • Norges billedkunst i det nittende og tyvende århundre, bind 1 1951 saman med Henning Alsvik
  • Gyldendals leksikon over moderne nordisk kunst (norsk redaktør) 1958
  • Norsk tegnekunst i Nasjonalgalleriet 1963
  • Verdens kunsthistorie 1963 saman med Ragna Thiis Stang
  • Med kunstnarauge - norsk natur og folkeliv i billedkunsten 1969
  • Østfold i billedkunsten 1980 ISBN 978-82-7412-009-9

I tillegg til desse bøkene skreiv han fleire katalogar over Nasjonalgalleriets kunst. Han skreiv òg bøker om kunstnarane Harald Sohlberg, Hjalmar Haalke, J.C. Dahl, Theodor Kittelsen og Fridtjof Nansen.

Kjelder[endre | endre wikiteksten]

  1. Steinar Wiik (31. desember 1985). «Kunsthistorikeren Leif Østby: En formidler av kunst». Aftenposten: 16. 
  2. Hvem Hva Hvor 1990 side 127 Årets døde