Leif Hamre
| Leif Hamre | |||
| Fødd | 9. august 1914 | ||
|---|---|---|---|
| Fødestad | Molde kommune | ||
| Død | 23. august 2007 | ||
| Dødsstad | Lier | ||
| Konfliktar | andre verdskrigen | ||
Leif Hamre (9. august 1914–23. august 2007) var ein norsk forfattar og offiser.
Han studerte ved Statens Kunstakademi i Oslo, men under andre verdskrigen måtte han reise frå landet og slutta seg til dei norske utestyrkane. Hamre vart utdanna navigatør ved Little Norway i Canada og flaug Catalina under krigen. Han vart dekorert for krigsinnsatse sin. Etter krigen gjorde Hamre karriere i forsvaret, og vart blant anna den første militære helikoterflygar i Noreg, og vart sjef for Helikoptertenesta til luftforsvaret. Han gjekk av som oberstløytnant i 1974.
Mellom 1957 og 1978 forfatta Hamre seks bøker for barn og ungdom. Alle bøkene hadde dramatisk handling med motiv frå flygarmiljøet, og låg nær dokumentarromanen i form. Dei vart svært populære, og vart omsette til 19 språk. Fem av seks bøker vart dessutan lønna med Kultur- og kyrkjedepartementet sin pris for barne- og ungdomslitteratur.
Som pensjonist arbeidde Hamre blant anna med lokalhistorie. I 2002 vart han tildelt Kongens fortjenstmedalje i sølv, hovudsakleg for si gjenoppdaging og skildring frå trefningen ved Gjellebekk i Lier under den store nordiske krigen.
Bibliografi[endre | endre wikiteksten]
- 1957: Otter tre to kaller, illustrert av Arne Johnson
- 1958: Blå 2 – hopp ut
- 1959: Klart fly
- 1965: Brutt kontakt
- 1971: Operasjon Arktis
- 1978: Fly uten fører
- 1983: Til borgen! Til borgen!, roman
Høyrespel[endre | endre wikiteksten]
Tre av bøkene til Hamre er dramatiserte som høyrespel for Lørdagsbarnetimen i NRK:
- Otter tre to kaller, høyrespel i tre episodar, 1959
- Klart fly, høyrespel i to episodar, 1973
- Fly uten fører, høyrespel i tre episodar, 1982
Prisar og utmerkingar[endre | endre wikiteksten]
- 1957: Kultur- og kirkedepartementets litteraturpris, 1. premie, for Otter tre to kaller
- 1958: Kultur- og kyrkjedepartementets litteraturpris, 1. premie, for Blå 2 – hopp ut
- 1959: Kultur- og kyrkjedepartementets litteraturpris, 1. premie, for Klart fly
- 1965: Kultur- og kyrkjedepartementets litteraturpris, 1. premie, for Brutt kontakt
- 1971: Kultur- og kyrkjedepartementets litteraturpris, 2. premie, for Operasjon Arktis
- 1993: Lier kommunes kulturpris
- 2002: Kongens fortenestemedalje i sølv
Kjelder[endre | endre wikiteksten]
- Denne artikkelen bygger på «Leif Hamre» frå Wikipedia på bokmål, den 15. juni 2019.
- Wikipedia på bokmål oppgav desse kjeldene:
- Contemporary Authors Online (Thomson Gale 2003)
- Sonja Hagemann: Barnelitteratur i Norge 1914-1970, Aschehoug, Oslo, 1974 ss. 185-188
- Drammens Tidende: Audiens hos kongen[daud lenkje]
Bakgrunnsstoff[endre | endre wikiteksten]
- Leif Hamre i Norsk Biografisk Leksikon