Leopold Josef von Daun

Frå Wikipedia – det frie oppslagsverket
(Omdirigert frå Leopold Josef Daun)
Leopold Josef von Daun

Statsborgarskap Det tysk-romerske riket
Fødd 24. september 1705
Wien
Død

5. februar 1766 (60 år)
Wien

Yrke condottiere, offiser
Far Wirich Philipp von Daun
Mor Maria Barbara, Gräfin zu Herberstein
Leopold Josef von Daun på Commons

Leopold Josef Maria von Daun (24. september 17055. februar 1766) var ein austerrisk greve og general, president i Hofkriegsrat frå 1762. Han var feltmarskalk i sjuårskrigen.

Grev Leopold von Daun vart oberst i 1725 og general i 1734, før han deltok i felttog i Italia, ved Rhinen og mot Tyrkia. I 1737-39 deltok han i den austerrikske arvefølgjekrigen. Etter freden i 1748 ivra han for å auke krigsdugleiken til soldatane, utarbeidde nye reglement for hæren og grunnla eit militærakademi i Wiener-Neustadt.

I 1754 vart han feltmarskalk, og då sjuårskrigen braut ut, samla han restane av hæren som var slagen ved Praha, forsterka desse og greidde å sigre over Fredrik II av Preussen ved Kolín. Seinare leid han nederlag ved slaget ved Leuthen og ved slaget ved Torgau. Under resten av krigen nøgde han seg med å iakta fienden, slik at krigen drog ut i tid, utan avgjerande slag. Denne krigføringsmåten er vurdert ulikt av militærhistorikarar. Den varsame strategien hans gav han tilnamnet «Den austerrikske Fabius Cunctator» (som tyder 'drølaren').[1]

I 1762 vart han president i hoffkrigsrådet og gjorde på denne plassen stort gagn for den austerrikiske hæren.

Kjelde[endre | endre wikiteksten]

  1. Gudmund Sandvik i Norsk Allkunnebok