Les Binks
| Les Binks | |||
.jpg) | |||
| Fødd | 5. april 1948 (77 år) | ||
|---|---|---|---|
| Fødestad | Portadown, Nord-Irland | ||
| Død | 15. mars 2025 | ||
| Dødsstad | London | ||
| Fødenamn | James Leslie Binks | ||
| Opphav | Storbritannia | ||
| Sjanger | Heavy metal, hardrock | ||
| Instrument | Trommer, gitar | ||
| Tilknytte artistar | Judas Priest, Lionheart, Tytan, Axis Point, Fancy | ||
| Plateselskap | Columbia | ||
| Verka som | Musikar, låtskrivar | ||
James Leslie Binks (8. august 1951–15. mars 2025) var ein irsk heavy metal-trommeslagar, mest kjend som trommeslagar i Judas Priest.
Biografi
[endre | endre wikiteksten]Han var tidlegare trommeslagar for Eric Burdon og funkgruppa War. Han spelte trommer i 1974 på albumet til Roger Glover, The Butterfly Ball and the Grasshopper's Feast, i lag med andre musikarar som David Coverdale, Glenn Hughes og Ronnie James Dio bak mikrofonen.
Binks spelte med Judas Priest i to år frå mars 1977 til juli 1979,[1] og spelte inn to studioalbum — Stained Class og Killing Machine — og eitt konsertalbum, Unleashed In The East, med gruppa.[2] Judas Priest ønskte på den tida å gå mot ein meir groove-orientert stil med mindre av den kompliserte, jazz-aktige stilen til Binks. Då han vart spurt om han kunne endre spelestilen sin, sa han at det var umogeleg, og dei gjekk kvart til sitt. Judas Priest hyrte så Dave Holland frå Trapeze.
I 1979 vart Binks med Charlie Whitney og Axis Point og vart verande aktiv i den britiske hardrock/heavy metal-undergrunnen. I 1981 vart han medlem av Lionheart med Dennis Stratton (tidlegare i Iron Maiden) på gitar og Jess Cox (tidlegare i Tygers Of Pan Tang) på vokal.
Seinare spelte Binks i eit coverband kalla The Shakers som spelte classic rock.
I 2022 var Judas Priest og dermed også Binks tekne inn i Rock and Roll Hall of Fame. Binks spelte med gruppa ved innføringsseremonien 5. november 2022, den fyrste gongen han opptredde med gruppa på 43 år.[2]
Kjelder
[endre | endre wikiteksten]- Denne artikkelen bygger på «Les Binks» frå Wikipedia på engelsk, den 11. september 2016.
- Wikipedia på engelsk oppgav desse kjeldene:
- ↑ Erlewine, Stephen Thomas; Prato, Greg. «Biography: Judas Priest». Allmusic. Henta 11. september 2016.
- 1 2 Team, Editorial (15. april 2025), «Former JUDAS PRIEST Drummer LES BINKS Dead At 73», BraveWords - Where Music Lives (på engelsk), henta 16. januar 2026
