Let's Stick Together av Bryan Ferry

Frå Wikipedia – det frie oppslagsverket
Hopp til navigering Hopp til søk
Let’s Stick Together
Studioalbum av Bryan Ferry
Utgjeve September 1976
Innspelt 1973-76
Studio AIR og Island Studios, London
Sjanger
Lengd 38:45
Selskap E.G. Records
Produsent Chris Thomas
Bryan Ferry
Bryan Ferry-kronologi
Another Time, Another Place
(1974)
Let’s Stick Together In Your Mind
(1977)


Let's Stick Together er det tredje studioalbumet til Bryan Ferry som soloartist, og det første han gav ut etter at Roxy Music vart oppløyst tidlegare det året. I motsetnad til dei to tidlegare soloalbuma, var ikkje Let’s Stick Together eit dedikert albumprosjekt, men bestod i staden for av songar tidlegare gjevne ut som singlar, B-sider og ein EP. Tittelsporet vart populært og albumet fekk hovudsakleg positiv kritikk, men nådde berre så vidt Topp 20 i Storbritannia.

Produksjon[endre | endre wikiteksten]

Fem av songane på albumet var nyinnspelingar av Ferry-songar tidlegare spelte inn av Roxy Music. «Re-Make/Re-Model», «2HB», «Chance Meeting» og «Sea Breezes» var alle frå debutalbumet (1972), medan «Casanova» var henta frå Country Life (1974). I dei fleste tilfelle var nyinnspelingane glattare og meir orienterte mot jazz og R&B enn dei originale Roxy Music-versjonane.

Dei andre seks songane var songar av andre artistar. Den saksofondrivne «Let's Stick Together», var skriven og først spelt inn av Wilbert Harrison, vert rekna som ein av signaturlåtane til Ferry. Han vart remiksa i 1988 for samlinga The Ultimate Collection. Andre livlege songar er The Everly Brothers sin «The Price of Love» og Jimmy Reed sin «Shame, Shame, Shame» (med motvokal av korsongarane som siterer Marvin Gaye sin «Can I Get A Witness»). Dei andre songane, mellom anna The Beatles sin «It's Only Love», vart framført i ein roleg kabaret-stil.

«2HB» (ei hyllest til Humphrey Bogart) vart gjeven ut som B-sida til Ferry-singelen «A Hard Rain's a-Gonna Fall» i september 1973. «Chance Meeting» var B-sida til «The 'In' Crowd» i mai 1974. «You Go to My Head» med «Re-Make/Re-Model» på baksida, vart gjeven ut som singel i juni 1975, og nådde 33. plassen i Storbritannia. «Let’s Stick Together» med B-sida «Sea Breezes» vart gjeven ut i juni 1976 og nådde fjerdeplassen. EPen med «The Price of Love» og «Shame, Shame, Shame» og B-sidene «Heart on My Sleeve» og «It’s Only Love» vart gjeven ut i august 1976, og nådde sjuandeplassen. «Casanova» var den einaste innspelinga som ikkje var gjeven ut før albumet kom ut, men vart spelt inn under innspelinga for Another Time, Another Place. Han kom omsider ut som B-sida til Ferry sin coverversjon av The Velvet Underground-songen «What Goes On» i mai 1978.

Songen «Let's Stick Together» vart gjeven ut på ny i 1988 som «Let's Stick Together '88», og nådde 12. plassen på den britiske singellista då.

Forskjellige Roxy Music-medlemmar var involverte i innspelingane, med Paul Thompsontrommer, Eddie Jobsonfiolin og synthesizer, John Gustafson og John Porterbass, og Phil Manzaneragitar.

Mottaking[endre | endre wikiteksten]

Meldingar
Karakter
KjeldeKarakter
AllMusic4/5 starsStar full.svgStar full.svgStar full.svgStar empty.svg[1]
Christgau's Record GuideB[2]
The Rolling Stone Album Guide3/5 starsStar full.svgStar full.svgStar empty.svgStar empty.svg[3]

I ei melding for AllMusic skreiv Ned Raggett om albumet: «Då Roxy gjekk inn i dvale i siste halvdel av 1970-åra, kom Ferry med nok eit fint soloalbum, sjølv om dette er det raraste han gav ut.»[1] I følgje Robert Christgau: «Mange folk er galne etter denne plata, men eg finn delinga av plata framandgjerande.» Han la til: «Sjølv om Ferry beviser at han veit meir om å lage plater (og musikk) enn han kunne tidlegare, med framleis mektige, rare og interessante songar, er det ikkje like overtydande. Legg alt saman og du får to forskjellige partar.»[2]

Innhald[endre | endre wikiteksten]

Side ein
Nr.TittelLåtskrivar(ar)Lengd
1.«Let's Stick Together» (Wilbert Harrison-cover av singel frå 1962)Wilbert Harrison3:00
2.«Casanova» (nyinnspeling; opphavleg på albumet Country Life (1974) av Roxy Music)Bryan Ferry2:45
3.«Sea Breezes» (nyinnspeling; opphavleg på albumet Roxy Music (1972) av Roxy Music)Ferry6:10
4.«Shame, Shame, Shame» (cover)Jimmy Reed3:15
5.«2HB» (nyinnspeling; opphavleg på albumet Roxy Music (1972) av Roxy Music)Ferry3:50
Side to
Nr.TittelLåtskrivar(ar)Lengd
6.«The Price of Love» (The Everly Brothers-song frå albumet In Our Image (1966))Don & Phil Everly3:25
7.«Chance Meeting» (nyinnspeling; opphavleg på albumet Roxy Music (1972) av Roxy Music)Ferry3:35
8.«It's Only Love» (The Beatles-song frå albumet Help! (1965))John Lennon, Paul McCartney3:45
9.«You Go to My Head» (cover)J. Fred Coots (musikk), Haven Gillespie (tekst)2:50
10.«Re-Make/Re-Model» (nyinnspeling; opphavleg på albumet Roxy Music (1972) av Roxy Music)Ferry2:40
11.«Heart on My Sleeve» (Gallagher and Lyle-song frå albumet Breakaway (1976))Benny Gallagher, Graham Lyle3:30

Medverkande[endre | endre wikiteksten]

Teknisk
  • John Punter, Steve Nye – lydteknikarar
  • Jon Walls, Nigel Walker – assisterande lydteknikarar
  • Richard Wallis – fotografi

Salslister[endre | endre wikiteksten]

Vekeslister[endre | endre wikiteksten]

Liste (1976) Plassering
Australske album (Kent Music Report)[4] 1
Nederlandske album (MegaCharts)[5] 1
Newzealandske album (Recorded Music NZ)[6] 28
Norske album (VG-lista)[7] 19
Svenske album (Sverigetopplistan)[8] 7
Britiske album (OCC)[9] 19
US Billboard 200[10] 160

Årslister[endre | endre wikiteksten]

Liste (1976) Plassering
Australia (Kent Music Report)[11] 9

Kjelder[endre | endre wikiteksten]

Bakgrunnsstoff[endre | endre wikiteksten]

  1. 1,0 1,1 Raggett, Ned. «Let's Stick Together – Bryan Ferry». AllMusic. Henta 19. juli 2021. 
  2. 2,0 2,1 Christgau, Robert (1981). «F». Christgau's Record Guide: Rock Albums of the Seventies. Ticknor and Fields. ISBN 0-89919-026-X. Henta 24. februar 2019 – via robertchristgau.com. 
  3. Sheffield, Rob (2004). «Bryan Ferry». I Brackett, Nathan; Hoard, Christian. The New Rolling Stone Album Guide (4th utg.). Simon & Schuster. s. 296–97. ISBN 0-7432-0169-8. 
  4. Kent, David (1993). Australian Chart Book 1970–1992 (illustrated utg.). St Ives, N.S.W.: Australian Chart Book. s. 111. ISBN 0-646-11917-6. 
  5. "Bryan Ferry – Let's Stick Together". Dutchcharts.nl. Hung Medien. Henta 19. juli 2021.
  6. "Bryan Ferry – Let's Stick Together". Charts.org.nz. Hung Medien. Henta 19. juli 2021.
  7. "Bryan Ferry – Let's Stick Together". Norwegiancharts.com. Hung Medien. Henta 19. juli 2021.
  8. "Bryan Ferry – Let's Stick Together". Swedishcharts.com. Hung Medien. Henta 19. juli 2021.
  9. "19761003 Top 40 Official Britiske album Archive | Official Charts". Den britiske albumlista. The Official Charts Company. Henta 19. juli 2021.
  10. "Bryan Ferry Album & Song Chart History" Billboard 200 for Bryan Ferry. Prometheus Global Media. Henta 19. juli 2021.
  11. Kent, David (1993). Australian Chart Book 1970–1992 (illustrated utg.). St Ives, N.S.W.: Australian Chart Book. s. 428. ISBN 0-646-11917-6.