Liguster

Liguster (Ligustrum vulgare) er ein busk i oljetrefamilien. Han vert opp mot 2 meter høg. Busken toler godt beiting og nedskjering. Det har ført til at han har vorte brukt til hageplante. Ein finn gamle hagar med ligusterhekkar.

I Noreg veks han ytst i Oslofjorden. Elles er det nokre veksestader i Sverige. I Danmark er han ikkje funnen. Han er vanleg i Vest- og Mellom-Europa, og i det nordlege middelhavsområdet.

I Noreg er han ein strandplante som lagar tett kratt i vill tilstand. Får han bløme fritt får han gulkvite små blomar som sit i store klasar. Blomane kan minne om syrin, som er i same familie. Frukta er svarte glinsande bær som er giftige, tilliks med resten av planta.

Dei svarte bæra har vore brukte til å lage blekk av.

Sortar

• 'Atros' - Dafo® (var. italicum), vintergrøn.
• 'Atrovirens' - (syn. Ligustrum vulgare virens) vintergrønn. (var. italicum)
• 'Atrovirens Compact'
• 'Atrovirens Select' - forbetra 'Atrovirens'.
• 'Auriflorum' (syn. Ligustrum vulgare lutescens)
• 'Buxifolium' – lågtveksande, ovale blad som ikkje blir meir enn 2,5 cm lange.
• 'Cheyenne' – Nord-Amerikansk, kuldetolerant sort. Vintergrøn.
• 'Chlorocarpum' - grønne bær.
• 'Compacta'
• 'Dänemark'
• 'Evers' – vintergrøn, noko lengre enn 'Atrovirens'.
• 'Glaucum'
• 'Golden Drops'
• 'Gracila'
• 'Insulense' – lange, smale blad 5-11 cm lange og 1-2.5 cm breie.
• 'Leucocarpum' – grønkvite bær.
• 'Liga' - Dafo® (var. italicum) vintergrøn.
• 'Listrum' - Dafo®, ein vindtolande, lauvfellande sort.
• 'Lodense' – (syn. Ligustrum vulgare nanum)(syn. Ligustrum vulgare lutescens) tett, dvergveksande. Sortnamnet er danna av engelsk low og dense = låg og tett.
• 'Maslö' -
• 'Pendulum'
• 'Pyramidale' – opprett med greiner parallelle med stammen (fastigate)
• 'Xanthocarpum' – gule bær.

Kjelder

• C. A .M. Lindman: Nordens Flora. Oslo 1977
• Knut Fægri: Norges Planter Oslo 1970
• Knut Langeland: Hagens vakreste busker og trær - løvfellende, Oslo 1994. ISBN 82-516-1511-9

Bakgrunnsstoff

Wikimedia Commons har multimedia som gjeld: Liguster