Little Eva
| Little Eva | |||
 | |||
| Fødd | 29. juni 1943 | ||
|---|---|---|---|
| Fødestad | Belhaven | ||
| Død | 10. april 2003 (59 år) | ||
| Dødsstad | Kinston | ||
| Fødenamn | Eva Narcissus Boyd | ||
| Alias | Little Eva | ||
| Opphav | USA | ||
| Aktiv | 1962–2001 | ||
| Sjanger | pop, danse-pop, rhythm and blues | ||
| Instrument | vokal | ||
| Plateselskap | Dimension, Collectables, Verve Records, Amy | ||
| Verka som | songar, musikar | ||
Eva Narcissus Boyd betre kjent under artistnamnet Little Eva (29. juni 1943–10. april 2003) var ein amerikansk popsongar som hadde ein stor hit med «The Loco-Motion» i 1962.
Liv og virke
[endre | endre wikiteksten]Boyd var fødd i Belhaven i Nord-Carolina i 1943 og hadde tolv søsken. Ho flytta til Brighton Beach i Brooklyn i New York då ho var femten.[1][2]
Ho jobba som barnevakt og hushjelp for låtskrivar-ekteparet Carole King og Gerry Goffin. Dei valde henne til å syngja demoversjonen av «The Loco-Motion». Då den tiltenkte artisten for songen takka nei, blei Eva sin versjon gjeven ut og blei til ein hitt. Songen nådde fyrsteplassen på topplista i USA i 1962. Han selde over ein million eksemplar, og blei tildelt gullplate.[2]
Little Eva heldt fram med å gje ut plater utover på 1960-talet, men fekk ikkje like stor suksess. Dei andre singlane hennar var «Keep Your Hands Off My Baby», «Let's Turkey Trot» og ein coverversjon av Bing Crosby-standarden «Swinging on a Star», som ho spelte inn med Big Dee Irwin (utan å bli godskriven på plata).[3]
Ho opptredde framleis i 2001, då ho hadde fått ein kreftdiagnose.[4][5] Ho døydde i 2003.[1]
Kjelder
[endre | endre wikiteksten]- 1 2 Laing, Dave (14. april 2003). «Little Eva The girl with the Loco-motion in her voice». The Guardian. Arkivert frå originalen 21. oktober 2019. Henta 21. september 2019.
- 1 2 Murrells, Joseph (1978). The Book of Golden Discs (2. utg.). London: Barrie and Jenkins Ltd. s. 148. ISBN 0-214-20512-6.
- ↑ Roberts, David (2006). British Hit Singles & Albums (19. utg.). London: Guinness World Records Limited. s. 324. ISBN 1-904994-10-5.
- ↑ «He Hit Me (And It Felt Like a Kiss) - The Crystals | Song Info | AllMusic» (på engelsk). Henta 13. februar 2021.
- ↑ «Little Eva». Billboard. Henta 13. februar 2021.
- Denne artikkelen bygger på «Little Eva» frå Wikipedia på bokmål, den 10. juli 2025.
Bakgrunnsstoff
[endre | endre wikiteksten]
 |