Livius Smitt

Frå Wikipedia – det frie oppslagsverket
Hopp til navigering Hopp til søk
Livius Smitt
Fødd 8. oktober 1840
Vinje
Død

4. mars 1890
Brevik

Livius Smitt (8. oktober 18404. mars 1890) var ein norsk embetsmann og stortingsmann, fødd i Vinje i Telemark. Han vart medlem av Høgre då dette partiet vart danna i 1884.

Smitt var presteson. Jacob Sverdrup Smitt var bror hans. Han vart student i 1858 og cand. jur. fem år seinare. Deretter var han i nokre år tilsett på justiskontoret til Høgsteretten. 1866-67 var han fullmektig hos sorenskrivarenVoss. Frå 1867 var han overrettssakførar i Florø. Til sist byfut i Brevik frå 1881. I 1874 grunnla han avisa Nordre Bergenhus Amtstidende, frå 1879 også redaktør.

Smitt var 1868-69 formann i matrikkelkommisjonen for Sunn- og Nordfjord. Perioden 1874-82 var han ordførar i Florø.

Smitt var stortingsrepresentant for Nordre Bergenhus amt frå 1880 og sidan 1883 for Brevik. Åra 1880-88 var han medlem av vegkomiteen, år 1889 formann i same. 1889-sesjonen var han elles medlem av Lagtinget og valkomiteen. Same året, 1889, vart han boden plass i Emil Stang si fyrste regjering, men takka nei.

Han døydde i Brevik 1890.

Kjelder[endre | endre wikiteksten]