Ljudmila Rogatsjova

Frå Wikipedia – det frie oppslagsverket
Hopp til navigering Hopp til søk
Ljudmila Rogatsjova
Statsborgarskap Russland
Fødd 10. oktober 1966
Ladovskaja Balka
Idrett friidrett
Yrke friidrettsutøvar

Ljudmila Vasiljevna Rogatsjova (fødd 30. oktober 1966) er ein sovjet-russisk tidlegare mellomdistanseløpar frå Lad Balka i Stavropol kraj. Ho vart i 1994 europameister på 1500 meter og vann elles i tida 1990-94 OL-sølv på same distansen i 1992 og VM-bronse 1991, dessutan EM-bronse 1994 på 800 meter.

Aktiv[endre | endre wikiteksten]

Rogatsjova sette sommaren 1988 personleg rekord på 800 meter med tida 1.56,82 under eit stemne i Pärnu i dagens Estland. Spesialdistansen hennar vart likevel 1500 meter. Etter fjerdeplass på 1500 m i EM 1990, vann ho 1500-meteren ved innandørs-VM 1991 i Sevilla. Seinare same året vart ho bronsemedaljør på distansen i verdsmeisterskapen i Tokyo. I dei olympiske sommarleikane 1992 sprang Rogatsjova sitt livs fortaste 1500-meter då ho vart klokka inn på 3.56,91 og til sølv, ho var heilt sjanselaus mot Hassiba Boulmerka.

Under Friidretts-EM 1994 i Helsinki tok Rogatsjova bronsen på 800 m, hakk i hæl med landskvinna Ljubov Gurina og Natalja Dukhnova frå Kviterussland. Fire dagar seinare spurta ho inn til gullmedalje på 1500 meter, i eit finaleløp som lenge gjekk i joggetempo.

Rogatsjova deltok internasjonalt opp til Sommar-OL 2000, utan sidan å gjere seg gjeldande i medaljestrid.

Medaljar og plasseringar i internasjonale meisterskap[endre | endre wikiteksten]

Kjelder[endre | endre wikiteksten]