Ljungsbro

Ljungsbro
Land	Sverige
Ljungsbro 58°30′23″ N 15°30′14″ E
Wikimedia Commons: Ljungsbro

Ljungsbro er ein tettstad i Linköpings kommun i Östergötlands län i Östergötland i Sverige. I 2011 hadde tettstaden 6 620 innbyggjarar. Tettstaden ligg cirka 15 kilometer nordvest for Linköping, ved Motala ström og Göta kanal. I Ljungsbro ligg sjokoladefabrikken Cloetta.

Staden hadde ein rask vekst på 1970- og 1980-talet og folketalet har sidan vore stabilt. Ei større industribedrift på staden er næringsmiddelprodusenten Cloetta Fazer AB, elles er det stor pendling til Linköping.

Fleire sluser i og like nedanfor Ljungsbro løftar kanalen frå innsjøen Roxen mot Vättern. I Ljungsbro sentrum er kanalen ført i bru over ein lokalveg.

Namnet kjem frå Ljung herregard ved Motala ström ovanfor Ljungsbro.

Kjelder

• Delar av denne artikkelen bygger på «Ljungsbro» frå Wikipedia på bokmål, den 4. juli 2012.
• «Ljungsbro». Store norske leksikon. 19.11.2011.