London Bridge

Frå Wikipedia – det frie oppslagsverket
Gå til: navigering, søk
London Bridge i 2003.

London Bridge er ei bru som går over Themsen i London, mellom City of London og Southwark. Den ligg mellom Cannon Street Railway Bridge og Tower Bridge, og markerer den vestre kanten av Pool of London. Den var den einaste brua over Themsen fram til Westminster Bridge blei opna i 1750.

Den noverande brua blei bygd av entreprenøren John Mowlem frå 1967 til 1972 og innvia av Elisabeth II i 1973. Kostnadane på fire millionar pund blei betalt av Bridge House Estates. Brua er 283 meter lang og består av tre bruspenn. På sørsida av brua ligg Southwark-katedralen og London Bridge stasjon. På nordsida ligg monumentet over den store bybrannen i 1666 og Bank og Monument undergrunnsstasjonar.

Historie[endre | endre wikiteksten]

Brua har i ei eller annan form lege der den ligg no i nesten 2000 år. Den første brua som kryssa Themsen i London-området blei bygd av romarane på den noverande staden rundt år 46 og var laga av tre. Staden blei mest sannsynleg valt fordi det var djupt vatn ut til havet. Brua forfall etter at romarane reiste, men på eit tidspunkt blei den enten reparert eller erstatta med nytt trevirke, sannsynlegvis meir enn ein gong. I 1014 blei brua sett i brann av kong Ethelred II i eit forsøk på å splitte dei invaderande styrkane til danskekongen Svein Tjugeskjegg. Det er etter alminneleg oppfatning denne episoden som gav inspirasjon til barneverset «London Bridge is falling down». Den nyoppførte London Bridge blei øydelagt av ein storm i 1091 og igjen av brann i 1136.

Bakgrunnsstoff[endre | endre wikiteksten]