Lorraine Hansberry
| Lorraine Hansberry | |
 | |
| Statsborgarskap | USA |
| Fødd | 19. mai 1930 Chicago |
| Død |
12. januar 1965 (34 år) |
| Yrke | skribent, sceneinstruktør, manusforfattar, skodespelforfattar, aktivist |
| Politisk parti | Det demokratiske partiet i USA |
| Religion | ateisme |
| Far | Carl Augustus Hansberry |
| Lorraine Hansberry på Commons | |
Lorraine Vivian Hansberry (19. mai 1930–12. januar 1965) var ein afro-amerikansk dramatikar, forfattar og aktivist.
Hansberry var den fyrste svarte kvinna som fekk eit skodespel satt opp på Broadway i 1959. Det best kjende verket hennar, A Raisin in the Sun, tek føre seg konfliktane som oppstår når ein afro-amerikansk familie flyttar inn eit nabolag der berre kvite familiar bur. Stykket gir innsyn i kvardagen til svarte amerikanarar under rasesegregering i Chicago. Hansberry sin familie levde sjølv under segrering og utfordra dei restriktive Jim Crow-lovene på same måte som den fiktive familien i stykket. Dette enda eventuelt med ei sak ved USA sin høgaste rett, som fekk namnet Hansberry v. Lee. Tittelen for skodespelet fekk Hansberry frå diktet "Harlem" av Langston Hughes:"What happens to a dream deferred? Does it dry up like a raisin in the sun?"[1]
Som 29-åring vann ho New York Drama Critic's Circle-prisen. Ho vart den yngste, femte kvinnelege og fyrste afro-amerikanske dramatikaren som fekk denne utmerkinga.
Hansberry flytta til New York, der ho jobba for det pan-afrikanske tidsskriftet, Freedom. Ved Freedom jobba ho saman med viktige intellektuelle figurar som Paul Robeson og W.E.B. Dubois som vart mentorane hennar. Mykje av arbeidet hennar i denne perioden var oppteken av den afrikanske frigjeringskampen og verknaden den hadde på verda. Hansberry er blitt identifisert som lesbisk, og seksuell fridom er òg eit viktig tema i mange av hennar verk.[2]
Hansberry døydde av kreft i ein alder av 34 år i 1965. Før det rakk berre skrive eit skodespel til, The Sign in Sidney Brustein's Window som vart publisert i 1964. Ho var inspirasjonen bak Nina Simone sin song, "To Be Young, Gifted and Black."[3]
Referansar[endre | endre wikiteksten]
- ↑ «For Lorraine Hansberry, ‘A Raisin in the Sun’ Was Just the Start» (på engelsk).
- ↑ Karen Grigsby Gates (22.09.2018). «Lorraine Hansberry: Radiant, Radical — And More Than 'Raisin'». National Public Radio. Henta 15.10.2018.
- ↑ Øverland, Orm (13. november 2017). «Lorraine Hansberry». Store norske leksikon (på norsk).