Lotetunnelen
| Lengd | 2 859 meter[1] |
|---|---|
| Opna | 1966[1] |
 Lotetunnelen 61°53′27″N 6°01′57″E / 61.89083333°N 6.0325°E | |
Lotetunnelen er ein 2857 meter lang tunnel på Europaveg 39 i Stad kommune i Vestland. Tunnelen går mellom Nordfjordeid og Svoradalen vest for Lote. Arbeidet med tunnelen begynte i 1959, gjennomslaget kom i 1965, og tunnelen blei opna for trafikk i 1966. Lotetunnelen blei offisielt opna i 1968.
Det er krappe svingar i begge endane av tunnelen, og særleg inngangen til tunnelen på Lote-sida blir rekna som eit farleg punkt. Dessutan er tunnelen låg, fire meter, og området ved opninga på Lote-sida er rasfarleg.
Som i mange andre tunnelar i Noreg vert bilistane i Lotetunnelen noko plaga med kondens. Kondensen kan føre til farlege situasjonar fordi bilrutene plutseleg doggar når ein køyrer inn i tunnelen.[2]
Fotnotar[endre | endre wikiteksten]
- ↑ 1,0 1,1 Nasjonal vegdatabank, Wikidata Q55698494
- ↑ [1] Arkivert 2006-02-16 ved Wayback Machine.[2] Arkivert 2007-09-29 ved Wayback Machine.