Loznica

	Loznica
	Лозница
	by
	Utsyn over Loznica
Land	Serbia
Region	Šumadija og vestlege Serbia
Distrikt	Mačva
Areal	612 km²
Folketal	19 515 (2022)
• storby	72 062
Tidssone	CET (UTC+1)
	; Loznica; 44°32′00″N 19°13′33″E / 44.533333333333°N 19.225833333333°E
	Kart som viser Loznica. Kart som viser Loznica.
	Wikimedia Commons: Loznica

For andre tydingar av oppslagsordet, sjå Loznica (fleirtyding).

Loznica (kyrillisk Лозница, uttalt lǒznit͡sa) er ein by vest i Serbia, i distriktet Mačva, ikkje langt frå grensa til Bosnia-Herzegovina. Han ligg på høgresida av elva Drina. I 2022 hadde byen eit folketal på 19 515, medan heile det administrative området hadde eit folketal på 72 062.

Historie

Namnet Loznica var opphavleg Lozica og er avleidd frå loza, 'drueranke'. Loznica-området har vore folkesett sidan steinalderen, men den eldste omtalen av byen stammar frå 1317. Dette året grunnla Katarina, svigerinna til den serbiske kongen Stefan Milutin, Tronoša-klosteret her.

I 1533 var Loznica blitt erobra av Det osmanske riket, og størsteparten av innbyggjarane var muslimar. Skatteregisteret frå denne tida viser at av 37 hushaldningar var 26 muslimske og 11 kristne. I 1600 var Loznica offisielt muslimsk med 55 hushaldningar. På denne tida var Loznica og Jadar del av ein region styrt frå Zvornik, som igjen låg under pasjaen i Bosnia.

Innbyggjarane i Loznica deltok i opprøret mot osmansk styre frå den første serbiske oppreisten i 1804. I tida fram til 1813 blei fleire tunge slag kjempa i området. I 1813 dreiv serbarane osmanarane over elva Drina, og Loznica blei ein osmansk grenseby. I november 1833 blei Loznica og Jadar del av fyrstedømet Serbia under Miloš Obrenović, då sultan Mahmud II overgav seks regionar til landet. Det gamle føydalsystemet blei oppheva og landet blei erklært ein fri bondestat.

Loznice blei del av og hovudsete for Podrinjeregionen, ei rolle som blei overført til Šabac på 1800-talet. I 1830-åra hadde Loznica 295 hushaldningar med 1 203 innbyggjarar. Det blei bygd skular, fabrikkar og eit sjukehus (1882), medan handel og finans utvikla seg. Tidleg på 1900-talet byrja utbygging av ein jernbane mellom Šabac, Loznica og Banja Koviljaca.

Den første balkankrigen og den første verdskrigen stoppa den økonomiske utviklinga og reduserte folketalet kraftig. Ved slutten av verdskrigen var Loznica eit regionalt senter med rundt 5 000 innbyggjarar. Ei kort tid med gjenreising og utvikling blei følgd av den store depresjonen. Tysk industri nytta antimongruver i området, noko som styrkte økonomien fram til utbrotet av den andre verdskrigen.

I januar 2008 fekk Loznica status som by etter serbisk lovverk.

Befolkningsutvikling

Historiske folketal
År	Folketal^[2]
1948	53 436
1953	59 796
1961	70 534
1971	78 228
1981	84 180
1991	86 875
2002	86 413
2011	79 327
2022	72 062

Busetnader

Dei største busetnadane i kommunen er:^[2]

	Folketal 2002	Folketal 2011	Folketal 2022
Loznica	19 863	19 212	19 515
Lozničko Polje	7 922	7 556	7 199
Klupci	7 297	7 112	6 609
Banja Koviljača	6 340	5 151	4 473
Lešnica	4 731	4 276	38 18
Lipnički Šor	2 673	2 623	2 390
Runjani	2 525	2 487	2 289
Korenita	2 680	2 415	2 169
Jadranska Lešnica	2 088	1 933	1 625

Kjelder

Denne artikkelen bygger på «Loznica» frå Wikipedia på engelsk, den 28. februar 2016.

Referansar

↑ «Укупан број становника, по насељеним местима / Total population, by settlements» (xlsx). Републички завод за статистику (Statistikkontoret for Republikken Serbia). Henta 30. september 2024. {{cite web}}: Italic or bold markup not allowed in: |utgjevar= (hjelp)
1 2 «"Упоредни преглед броја становника 1948, 1953, 1961, 1971, 1981, 1991, 2002, 2011. и 2022. године Comparative overview of the number of population in 1948, 1953, 1961, 1971, 1981, 1991, 2002, 2011. and 2022."». stat.gov.rs. Statistical Office of the Republic of Serbia. Henta 30. september 2024.

Bakgrunnsstoff

Offisiell nettstad
Nettportal for Loznica Arkivert 2016-03-04 ved Wayback Machine.

[Folketeljing_2022-1] «Укупан број становника, по насељеним местима / Total population, by settlements» (xlsx). Републички завод за статистику (Statistikkontoret for Republikken Serbia). Henta 30. september 2024. {{cite web}}: Italic or bold markup not allowed in: |utgjevar= (hjelp)

[Historisk-2] 1 2 «"Упоредни преглед броја становника 1948, 1953, 1961, 1971, 1981, 1991, 2002, 2011. и 2022. године Comparative overview of the number of population in 1948, 1953, 1961, 1971, 1981, 1991, 2002, 2011. and 2022."». stat.gov.rs. Statistical Office of the Republic of Serbia. Henta 30. september 2024.

[1]

[2]