Ludo Coeck

Frå Wikipedia – det frie oppslagsverket
Ludo Coeck


Statsborgarskap Belgia
Fødd 25. september 1955
Berchem
Død

9. oktober 1985 (30 år)
Edegem

Idrett fotball
Tok del i

VM i fotball 1982, EM i fotball 1984

Ludo Coeck til venstre

Ludovic Coeck (25. september 19559. oktober 1985) var ein belgisk fotballspelar frå Anvers som med RSC Anderlecht vann cupvinnarcupen to gongar og UEFA-cupen i 1983. Han var venstreveng eller midtbanespelar på Belgias landslag i tida 1974-84.

Klubbspel[endre | endre wikiteksten]

Coeck var Anderlecht-spelar frå 1972 til 1983. Med topplaget frå Brussel var han seriemeister to gongar og ein gong nasjonal cupmeister. Både i 1976, 1977 og 1978 fekk han plass i fyrste-ellevaren då Anderlecht tok seg til den årlege finalen i cupvinnarcupen. Det belgiske laget sigra over høvesvis West Ham United i 1976 og Austria Wien i 1978, i 1977 vart det tap mot Hamburger SV. Han tok avskjed med Anderlecht etter han var med i UEFA-cupfinalane 1983, heimekampen mot Benfica enda 1-0 og bortekampen 1-1. Etter triumfen mot Benfica gjekk Coeck sommaren 1983 vidare til italienske FC Internazionale og sidan Ascoli, der han fekk lite og inkje speletid.

Landslagsspel[endre | endre wikiteksten]

Knapt 19 år gammal, fekk Coeck sin landslagsdebut då han vart bytta inn i EM-kvalifiseringskampen mot Island i Reykjavik, hausten 1974. Han spelte alle fem kampane då Belgia tok seg til mellomspelet i VM i fotball 1982, ei turnering der han med eit langskot skåra dei einaste målet i gruppespelkampen mot El Salvador. 27. april 1983 vart Coeck matchvinnar då Belgia vann 2-1 mot Aust-Tyskland i ein kamp som hjelpte Belgia til plass i EM i fotball 1984. Under sjølve europameisterskapen i Frankrike var han innbytar i to oppgjer, dei siste i landslagsdrakta. Han deltok i 46 landskampar og skåra 4 mål.

Coeck døydde 30 år gammal etter å ha vorte alvorleg skadd då han køyrde inn i autovernet på motorvegen nær Rumst.

Merittar[endre | endre wikiteksten]

  • Vinnar av cupvinnarcupen: 1976 og 1978 med Anderlecht
  • Vinnar av UEFA-cupen: 1983 med Anderlecht
  • Belgisk seriemeister: 1974 og 1981 med Anderlecht
  • Belgisk cupmeister: 1975 med Anderlecht

Kjelder[endre | endre wikiteksten]