Ludvig Daae (1723–1786)

Frå Wikipedia – det frie oppslagsverket
Hopp til navigering Hopp til søk
Den noverande Lindås kyrkje
Foto: Anders Larsen

Ludvig Daae (fødd 9. mai 1723 i Vik i Sogn, død 18. februar 1786 i Lygra sokn) var ein norsk prest og godseigar. Han tok den filosofiske magistergrad i 1746 og blir omtala som «Mag.». Daae var sokneprest i Lindås frå 1759. Foreldra var Anders Daae (1680–1763) og Birgitte Munthe. Ei rad av hans eigne barn og barnebarn vart prestar på Vestlandet. Daae var bestefar til historikar Ludvig Kristensen Daa og presten Claus Daae, dessutan oldefar til politikaren Ludvig Daae, historikaren Ludvig Daae og Suzannah Ibsen. Boet etter Daae omfatta 23 gardar i Sogn og 31 gardpartar i Lindås. Han åtte også fleire kyrkjer med tiende: kyrkjene i Lindås prestegjeld (Lindås, Myking, Sandnes og Lygra kyrkjer), Arnefjord og Hove kyrkjer i Vik prestegjeld, og Hamre kyrkje på Osterøy. Kyrkjer og jordegods i boet utgjorde ein salsverdi på over 12.000 riksdalar.[1]

Kjelder[endre | endre wikiteksten]

  1. Lampe, J.F. (1895): Bergens Stifts Biskoper og Præster efter Reformationen. Redigert av D. Thrap. Kristiania: Cammermeyer s.369.