Luis Miguel Martín
| Luis Miguel Martín | |
| Statsborgarskap | Spania |
| Fødd | 11. januar 1972 (52 år) Madrid |
| Idrett | friidrett |
| Tok del i | |
Luis Miguel Martín Berlanas (fødd 11. januar 1972) er ein spansk tidlegare friidrettsutøvar frå Madrid som tilhøyrde europatoppen i hinderløping i tida 1998-2004.
Martín var opphavleg mellomdistanseløpar. Frå 1998 satsa han på 3 000 meter hinder. I sin fyrste sesong som hinderløper vart han iberoamerikansk meister i øvinga og nummer fire då europameisterskapen vart avvikla i Budapest, halvtanna sekund bak bronsevinnar Jim Svenøy. Året etter sette Martín landsrekord med 8.11,1, den fyrste av fire forbetringar av den spanske rekorden. Men i Friidretts-VM 1999 i Sevilla rauk han ut i forsøket.
År 2000 vart Martín spansk meister og femtemann i Sydney-OL. Deretter sprang han inn til fjerdeplass under verdsmeisterskapen i Edmonton i 2001, før han i 2002 vann bronsemedaljen ved europameisterskapen i München. Den 30. august 2002 flytta Martín den spanske rekorden til 8.07,4 ved eit stemne i Brussel, hans livs beste prestasjon i hinderløpinga. Sidan vart han nummer seks ved verdsmeisterskapen 2003 i Saint-Denis og nummer fem under Sommar-OL 2004 i Aten. Han tevla i friidrett til 2011.
Medaljar og plasseringar i internasjonale meisterskap[endre | endre wikiteksten]
- EM 1998 i Budapest: Nr 4 – 8.20,5
- VM 1999 i Sevilla: Utslått i forsøket (8.17,7=nr 13)
- OL 2000 i Sydney: Nr 5 – 8.22,7
- VM 2001 i Edmonton: Nr 4 – 8.18,8
- EM 2002 i München: Bronsemedalje – 8.24,7
- VM 2003 i Paris: Nr 6 – 8.13,5
- OL 2004 i Aten: Nr 5 – 8.11,6
- VM 2005 i Helsinki: Nr 11 – 8.22,1
Kjelder[endre | endre wikiteksten]
- Denne artikkelen bygger på «Luis Miguel Martín» frå Wikipedia på tysk, den 22. mai 2020.
- Denne artikkelen bygger på «Luis Miguel Martín» frå Wikipedia på engelsk, den 22. mai 2020.
- «Luis Miguel Martín» (på engelsk). Olympedia. Henta 10. mars 2023.