Granne forsikring
| Granne forsikring | |||
| Org.form | Gjensidig forsikringsselskap | ||
|---|---|---|---|
| Org.nr. | 838797172 | ||
| Bransje | Sjøforsikring | ||
| Skipa | 5. mai 1901 | ||
| Hovudkontor | Ålesund | ||
| Land | Noreg | ||
| Nettstad | https://www.granne.no/ (norsk), https://www.granne.no/english (engelsk) | ||
Granne forsikring, tidlegare Møretrygd Gjensidig Forsikring, er eit gjensidig skadeforsikringsselskap med kontor i Ålesund, Volda og Fosnavåg. Selskapet er samansett av ei rekkje mindre selskap som har fusjonert, der dei viktigaste var Assuranseforeningen "Havfiske" (1871), Sunnmøre Båttrygdelag (1890), Herøy Båttrygdelag (1917) og Volda Branntrygdelag (1866). Verksemda endra namn frå Møretrygd til Granne i 2022.[1]
I 2011 hadde selskapet ei premieinntekt på ca. 130 millionar kroner og eigenkapital på 273 millionar kroner. Tradisjonelt var Møretrygd eit sjøforsikringsselskap (sjøtrygdelag), men dekkjer no alle vanlege skadeforsikringar, også på land.
Selskapet tek mål av seg å vere det lokale selskapet for Nord-Vestlandet og dekkje forsikringsbehova til både privatpersonar, verksemder og reiarlag. Selskapet er ein viktig del av den maritime klyngja på Sunnmøre.
Som det einaste selskapet i Noreg har Møretrygd utarbeida alle forsikringsvilkår og informasjonsmateriell for den landbaserte delen av verksemda på nynorsk.
Kjelder
[endre | endre wikiteksten]- ↑ «Kunngjøringer - Brønnøysundregistrene», w2.brreg.no, henta 2025-04-19
