Múte Bourup Egede
Múte Bourup Egede | |||
![]() | |||
Fødd | 11. mars 1987 (37 år) Nuuk | ||
---|---|---|---|
Statsborgar av | Kongeriket Danmark | ||
Yrke | politikar | ||
Alle verv |
Múte Inequnaaluk Bourup Egede (fødd 11. mars 1987)[1] er ein grønlandsk politikar som sidan 23. april 2021 har vore Grønlands landsstyreformann (grønlandsk naalakkersuisut siulittaasuat).[2][3][4] Han har vore medlem av Inatsisartut sidan 2015 og sidan 2018 har han vore formann for Inuit Ataqatigiit.[5][6]
Liv og virke
[endre | endre wikiteksten]Egede blei fødd i Nuuk, men vaks opp i Narsaq sør på Grønland. Han gjekk på gymnaset i Qaqortoq før han i 2007 byrja å studere kultur- og samfunnshistorie ved Grønlands Universitet. Mellom 2011 til 2012 var han nestformann for KISAQ, Grønlands akademiske studentforeining.[1] Han fullførte ikkje utdanninga, då han i 2013 droppa ut for å overta familiebedrifta, som faren hans dreiv.[7][6]
I 2007 var Egede medlem av det grønlandske ungdomsparlamentet, Inuusuttut Inatsisartui,[6] og frå 2013 til 2015 var han formann for Inuusuttut Ataqatigiit, ungdomspartiet til Inuit Ataqatigiit. Sidan 2013 har han vore hovudstyremedlem for Inuit Ataqatigiit.[1][6]
Ved Folketingsvalet i 2015 var Egede på partilista for Inuit Ataqatigiit.[8] Han fekk 2 131 røyster, noko som ikkje var nok til ein plass i Folketinget.[9]
Frå 2016 til 2018 tena Egede som naalakkersuisoq (sjølvstyreminister) for råstoff, der han samstundes, i tre månader i 2017, var fungerande naalakkersuisoq for kommunar, bygder, utkantstrøk, infrastruktur og bustadar.[6]
Den 1. desember 2018 blei Egede vald til formann for Inuit Ataqatigiit, og etterfølge dimed Sara Olsvig i formannsposten.[6] Han leia partiet opp mot Landstingsvalet i 2021, der IA med 36,6 % av røystene blei det største partiet.[7] Egede blei med 3 380 personrøyster den politikaren som fekk flest personrøyster, og mottok meir enn 1 500 personrøyster fleire enn den sitjande landsstyreformannen Kim Kielsen frå partiet Siumut.[10]
Politikk og ideologi
[endre | endre wikiteksten]Egede er formann for Inuit Ataqatigiit, som blir skildra som å vere sosialistiske.[11] I likskap med partiet går Egede inn for grønlandsk sjølvstende.[6]
Privatliv
[endre | endre wikiteksten]Saman med sin tidlegare sambuar, Tina Chemnitz, har Egede ei dotter og ein son.
Kjelder
[endre | endre wikiteksten]- ↑ 1,0 1,1 1,2 «CV – Múte B. Egede» (PDF) (på dansk). Inatsisartut. Arkivert frå originalen (PDF) 17. juli 2020. Henta 17. juli 2020.
- ↑ Press, Associated (7. april 2021). «Greenland’s leftwing anti-mine party wins snap election». the Guardian (på engelsk). Henta 23. april 2021.
- ↑ Kruse, Simon (7. april 2021). «Her er den 34-årige grønlænder, som både USA, Kina og Danmark må se dybt i øjnene». Berlingske.dk (på dansk). Henta 23. april 2021.
- ↑ «Mute B. Egede godkendt som grønlandsk landsstyreformand». Politiken (på dansk). 23. april 2021. Henta 23. april 2021.
- ↑ «Grønlandske IA vælger ny formand». Altinget.dk (på dansk). Henta 4. april 2021.
- ↑ 6,0 6,1 6,2 6,3 6,4 6,5 6,6 Veirum, Thomas Munk (1. desember 2018). «Múte B. Egede er ny IA-formand» (på dansk). Kalaallit Nunaata Radioa.
- ↑ 7,0 7,1 Ildor, Astrid (7. april 2021). «En alvorlig, ung mand står til at blive Grønlands yngste regeringsleder» (på dansk). DR. Henta 8. april 2021.
- ↑ Dam, Camilla (27. mai 2015). «Múte B. Egede stiller op til Folketingsvalget» (på dansk). Kalaallit Nunaata Radioa. Henta 17. juli 2020.
- ↑ «Resultater for valg.gl – Valg.gl». valg.gl. Arkivert frå originalen 17. juli 2020. Henta 17. juli 2020.
- ↑ Synnestvedt, Anne Meisner (8. april 2021). «Muté B. Egede er den største stemmesluger, og Kielsen halser efter» (på dansk). KNR. Henta 8. april 2021.
- ↑ «Fakta: Få overblikket over Grønlands syv partier». /ritzau/ (på dansk). Jyllands-Posten. 27. september 2018. Henta 17. juli 2020.
- Denne artikkelen bygger på «Múte Bourup Egede» frå Wikipedia på dansk, den 10. januar 2024.