MF «Fedjefjord»

Frå Wikipedia – det frie oppslagsverket
MF «Fedjefjord»
Fedjefjord(2001).jpg
MF «Fedjefjord» i midlertidig opplag ved Steinestø
Foto: Harald Sætre
Karriere
Type: Bilferje
Verft: Astilleros Zamaccona i Spania
Generelle eigenskapar
Tonnasje: 2 332 tonn
Lengd: 63,55 m
Djupne: 5,00 m
Passasjerar: 147

MF «Fedjefjord» er ei ferje som vart bygd i 2001 i Bilbao i Spania for Bergen Nordhordland Rutelag. MF «Fedjefjord» vart sett inn i ferjesambandet Fedje-Sævrøy i mars/april 2002. Etter levering fann ein ut at innseglingsleia ved øya Fedje var for smal for nyeferja. Det var berre forsvarleg å trafikkere ferja under gode forhold med lite vind, før leia vart utbetra. Dette arbeidet vart gjort i oktober 2004. MF «Fedjebjørn» tok over denne strekninga i mai 2020.[1]

Skipet[endre | endre wikiteksten]

MF «Fedjefjord» ved Sævrøyna.
Foto: Frode H. Korneliussen
MF «Fedjefjord» til kai på Fedje.
Foto: Frode H. Korneliussen

MF «Fedjefjord» var byggnummer 496 ved det spanske verftet Astilleros Zamaccona i Bilbao. Ved overlevering var tonnasjen 2 332 bruttoregistertonn, 1 088 nettoregistertonn, og lasteevna var 3 858 dødvekttonn. Hovudmaskinen er to dieselmotor. Oppgitt yting er 2 136 kW.

Grunnstøyting i 2019[endre | endre wikiteksten]

I desember 2019 grunnstøtte «Fedjefjord» kort tid etter avgang frå Sævrøy kai. Det blei meldt om vassinntrenging i forskroget, men det var ikkje fare for at ferja skulle gå ned. Det blei heller ikkje meld om personskader.[2] Årsaken til grunnstøytinga var sterk vind.[3]

Kjelder[endre | endre wikiteksten]

  1. «Tekniske problemer for erstatningsferge». www.h-avis.no (norsk). 14. april 2020. Henta 21. juli 2020. 
  2. «Fergen «Fedjefjord» grunnstøtte på vei til Fedje: – Jeg ble vettskremt». www.bt.no (norsk bokmål). 11. desember 2019. Henta 21. juli 2020. (krev abonnement). 
  3. Bolstad, Jon (11. desember 2019). «Fedje-ferja gjekk på grunn: – Vi høyrde eit kraftig dunk». NRK. Henta 21. juli 2020. 

Bakgrunnsstoff[endre | endre wikiteksten]

Commons-logo.svg Commons har multimedium som gjeld: MF «Fedjefjord»