MF «Fjordgar» (1967)

Karriere	Noreg
MF «Fjordgar» i rute Klokkarvik-Lerøy-Bjelkarøy-Hjellestad 2002 Foto: Harald Sætre
Namn:	MF «Torulf»
Eigar:	A/S Torulf, seinare Møre og Romsdal Fylkesbåtar
Verft:	Hatlø Verksted i Ulsteinvik
Verftsnummer:	33
Sjøsett:	Juni 1967
Heimehamn:	Ulsteinvik/Ålesund
Kjennemerke:	LLZX
IMO-nummer:	6721319
Generelle mål
Type:	Bilferje
Tonnasje:	135 bruttotonnregister, 60 nrt
Lengd:	29,07 m
Breidd:	7,52 m
Djupgang:	2,40 m
Installert effekt :	320 bHk
Framdrift:	4cyl. 4-takts DM (Aabenraa Motorfabrik Heinr. Callesen i Åbenrå)
Fart:	10 knop
Passasjerar:	62 passasjerar
Bilar:	9 køyretøy
Karriere	Noreg
Namn:	MF «Fjordgar»
Eigar:	1990-1992: Øygarden og Sotra Rutelag 1992-2000: Vest Trafikk 2000-2011: HSD/Tide Sjø/Norled
Kjøpt:	Januar 1990
Heimehamn:	Bergen
Generelle mål etter ommåling i 1994
Tonnasje:	123 bruttotonnregister, 43 nrt
Karriere	Finland
Namn:	MF «Nordic Eider»
Eigar:	Nordic Jet Line
Kjøpt:	2012
Heimehamn:	Porvoo
Karriere	Noreg
Namn:	MF «Rosesund»
Eigar:	Gulen skyss
Kjøpt:	November 2014
Heimehamn:	Eivindvik

MF «Fjordgar» er ei bilferje bygt i 1967 som MF «Torulf».

Ferja vart opphavleg bygt for å gå i rute mellom Ulsteinvik, Torvik og Runde, og erstatta ei tidlegare ferje med same namn. Etter at Herøybrua opna i 1976 gjekk ferja mellom Torvik og Runde fram til Rundebrua kom i 1982. Den siste strekninga «Torulf» trafikkerte under MRF-flagg var Molde – Bolsøya.

I januar 1990 vart ferja selt til Øygarden & Sotra Rutelag og omdøypt «Fjordgar». I 1992 vart ho overteken av Vest Trafikk og til slutt i august 2000 av HSD. Sidan vart reiarlaget omdøypt Tide Sjø og Norled. I heile denne perioden og fram til 31. desember 2011, gjekk ho i sambandet Klokkarvik-Lerøy-Bjelkarøy-Hjellestad.

I juli 2012 vart ferja seld til Nordic Jet Line i Finland og omdøypt «Nordic Eider». Der var ho reserverferje og fraktebåt frå Kotka til Pyhtää. Seint i 2014 vart ho kjøpt attende til Noreg av Gulen skyss og fekk namnet «Rosesund». Ho vart då reserveferje på Klokkarvik-Lerøy-Bjelkarøy-Hjellestad.^[1]