MS «Nordstjernen»

Frå Wikipedia – det frie oppslagsverket
Gå til: navigering, søk
MS «Nordstjernen»
MS Nordstjernen i Romsdalsfjorden.jpg
Karriere
Type: Hurtigruteskip
Eigar: Hurtigruten Group ASA
Rute: Hurtigruta
Kostnad: 1,9 mill kr
Verft: Hamburg
Overtatt: 1956
Generelle eigenskapar
Tonnasje: 2191 tonn
Lengd: 80,77 m
Dekkbreidde: 12,6 m
Djupgang: 4,5 m
Fart: 15 knop
Passasjerar: 400
Køyer: 179
Denne artikkelen handlar om hurtigruteskipet frå 1956. For eldre hurtigruteskip med same namnet, sjå DS «Nordstjernen».

MS «Nordstjernen» er eit hurtigruteskipsett i rute i 1956, oppkalla etter skipet som havarerte i Raftsundet september 1954.

MS «Nordstjernen» gjekk i fast rotasjon i hurtigruta frå 1956 til 2002. Ho vart tatt ut av ordinær hurtigrutetrafikk i 2002, men har gått som erstatningskip i vinterhalvåret sidan 2005/2006. I sommarhalvåret har skipet gått i cruisetrafikk ved Svalbard. MS «Nordstjernen» er det eldste skipet som enno er i ordinær hurtigrutetrafikk.


Historie[endre | endre wikiteksten]

MS «Nordstjernen» var det åttande nybygde hurtigruteskipet etter krigen. Ho kom i staden for DS «Nordstjernen» frå 1937 som havarerte ved Hanøya i Raftsundet 22. september 1954. MS «Norstjernen» var det første hurtigruteskipet som vart bygd ved Werft Blohm & Voss i Tyskland.

I hurtigruta[endre | endre wikiteksten]

MS «Nordstjernen» i Moldefjorden

Skipet vart sjøsett 26. oktober 1955 og overlevert 24. februar 1956. Den 1. mars 1956 vart MS «Nordstjernen» sett inn i hurtigrutetrafikk for første gong. I åra 1976 til 1979 gjekk ho på vårparten i turistrute mellom Bergen og LerwickShetland. Desse turane var organisert slik at skipet gjekk i ordinær hurtigrutetrafikk til Bergen før turen til Shetland og tilbake i hurtigrutetrafikk etter heimkomst. På denne måten kunne passasjerar frå andre stader i hurtigruteleia starte og slutte turen på heimstaden.

I 1979 vart MS «Nordstjernen» og BDS' tre andre hurtigruteskip (MS «Midnatsol» (1949), MS «Nordlys» (1951) og MS «Polarlys» (1952)) selde til Troms Fylkes Dampskibsselskap (TFDS), og dei fekk TFDS' skorsteinsmaling med eit stort kvitt felt med eit smalt raudt felt over og under. Frå BDS-tida hadde dei ei stjerne i baugen og denne har dei enno, sjølv om TFDS ikkje brukte slike merke.

I 1983 vart skipet oppgradert ved Mjellem & Karlsen Verft i Bergen. Ny hovudmotor vart installert og fleire av lugarane fekk eige toalett med dusj. Køyekapasiteten vart etter dette redusert til 179.

Spire Denne artikkelen er ei spire. Du kan hjelpe Nynorsk Wikipedia gjennom å utvide han.