Ma'an guvernement

Ma'an
معان
guvernement
Land	Jordan
Distrikt	4
Byar	Shoubak
Hovudstad	Ma'an
Areal	32 832 km²
Folketal	175 200 (2019)
Retningsnummer	+(962)3
Urban	54.9%
Rural	45.1%
Ma'an guvernement 30.195°N 35.734167°E / 30.195; 35.734167
Kart som viser Ma'an guvernement. Kart som viser Ma'an guvernement.
Wikimedia Commons: Ma'an Governorate

Ma'an (arabisk محافظة معان‎) er eit guvernement i Jordan. Det ligg sør for Amman, hovudstaden i Jordan. Guvernement er det største i Jordan i utstrekking. Administrasjonsbyen er Ma'an.

Historie

Petra er ein verdsarvstad og eit av dei sju nye underverka.

Krossfararborga Montreal i Shoubak.

Hor-fjellet der ein trur at Aron, bror til Moses døydde, og byen Taibeh.

Området som guvernementet Ma'an dekkjer har mange historiske stader. Ma'an var hovudstaden i den arabiske staten som emir Abdullah erklærte ei kort stund i 1920 før hovudstaden vart flytta til Amman. Den første avisa i Jordan vart publisert i Ma'an og heitte Alhaqqu Ya'lu (الحق يعلو ). Ma'an guvernement var ein del av området til Edom, som hadde hovudstaden sin i Busaira i Tafilah guvernement. Edomittane vart sidan erstatta avnabatearane, som etterlet seg ein av dei mest merkverdige stadane i Midtausten, oldtidsbyen Petra. Etter å ha stått i mot invasjonane til makedonske og romersk armear, fall Petra til slutt for Romarriket i 103 evt. Like ved Petra ligg fjellet Jebel Nebi Harun, der ein trur Aron, bror til Moses døydde. Det ligg ei grav for Aron på fjelltoppen.

På 600-talet evt. vart Ma'an ein del av det islamske kalifatet. Då krossfararane kom på 1000-talet, tok dei kontroll over høglandet Shoubak, med ei høgd på meir enn 1300 meter over havet. Krossfararane bygde Montreal-borga i Shoubak.

Geografi

Sjølv om Ma'an guvernement har det største arealet av dei 12 guvernementa i Jordan, har han lågast folketettleik: mindre enn fire personar per kvadratkilometer. Det grensar til Saudi-Arabia i aust og sør, Akaba, Tafilah og Karak guvernement i vest, og Amman guvernement i nord.

Klimaet i Ma'an er houvdsakleg ørkenklima, men dei vestlege høglanda har middelhavsklima. Årsnedbøren varierer frå 50 mm i ørkenområda til 250 mm i dei vestlege høglanda, og over 500 mm i Sharah-fjella.

Administrativ inndeling

Ma'an guvernement er delt inn i fire departement.

Wadi Musa.

Byen Shoubak i Ma'an guvernement

Nahiyaer i Ma'an guvernement etter folketal (2004)
	Nahiya	Arabisk namn	Areal	Folketal (2004)	Adm. senter
1	Al-Qasabah nahiya	لواء قصبة معان	omfattar byen Ma'an og 56 andre byar og landsbyar	51 016	Ma'an
2	Petra nahiya	لواء البتراء	omfattar 19 byar og landsbyar	23 840	Wadi Musa
3	Shoubak nahiya	لواء الشوبك	omfattar 27 byar og landsbyar	12 087	Shoubak
4	Husseiniya nahiya	لواء الحسينية	omfattar åtte byar og landsbyar	8 310	Husseiniya
Kjelde: وزارة الداخلية - الأردن Det jordanske innanriksdepartementet

Kjelder

• Denne artikkelen bygger på «Ma'an guvernement» frå Wikipedia på engelsk, den 4. oktober 2015.
  • Wikipedia på engelsk oppgav desse kjeldene:

Bakgrunnsstoff

Commons har multimedium som gjeld: Ma'an guvernement