Magdalenakjerrsporv

Frå Wikipedia – det frie oppslagsverket
Magdalenakjerrsporv
Magdalenakjerrsporv Foto: Ron Knight
Magdalenakjerrsporv
Foto: Ron Knight
Utbreiing og status
Status i verda: NT Nær trugaUtbreiinga av Magdalenakjerrsporv
Utbreiinga av Magdalenakjerrsporv
Systematikk
Underrekkje: Virveldyr Vertebrata
Klasse: Fuglar Aves
Orden: Sporvefuglar Passeriformes
Parvorden: Passerida
Overfamilie: Passeroidea
Familie: Amerikasporvfamilien Passerellidae
Slekt: Atlapetes
Art: Magdalenakjerrsporv A. fuscoolivaceus
Vitskapleg namn
Atlapetes fuscoolivaceus

Magdalenakjerrsporv (Atlapetes fuscoolivaceus) er ein fugl i amerikasporvfamilien, Passerellidae, og er endemisk for Huila-departementet i sørvestre Colombia.

Skildring[endre | endre wikiteksten]

Magdalenakjerrsporven er ein skittengrøn og gul sporv med kraftig svart nebb og lang hale. Hovudet er mørkt, grågrønt, oversida olivengrøn, strupen og brystet gult. Undersida er gul med olivenskjær. Han har ei kroppslengd på ca. 18 centimeter og veg rundt 33 gram.[1]

Utbreiingsområdet er i øvre Magdalenadalen i området 1600-2400 moh., og er monaleg lite, ca. 1,200 km2. Habitatet for arten ligg i utkanten av fuktig skog, undervegetasjon, tette buskar og låg gjenreist skog med opningar. Her beitar magdalenakjerrsporvane på bakken eller opp til 6 meter opp i vegetasjonen.

Populasjonen er ikkje estimert og er trudd å vere minkande. Arten er klassifisert som nær truga.[2]

Kjelder[endre | endre wikiteksten]

Referansar
  1. Jaramillo, 2011
  2. BirdLife International (2015)

Bakgrunnsstoff[endre | endre wikiteksten]

Wikimedia Commons har multimedia som gjeld: Magdalenakjerrsporv