Hopp til innhald

Magne Aarøen

Frå Wikipedia – det frie oppslagsverket
Magne Aarøen
Fødd28. april 1944
Innvik
Død27. juni 2003 (59 år)
Statsborgar avNoreg
PartiKristeleg Folkeparti
Yrkepolitikar
Alle verv
  • stortingsrepresentant (2001–2003)
  • vararepresentant til Stortinget (1981–1985)
  • vararepresentant til Stortinget (1993–1997) Sjå dette på Wikidata

Magne Aarøen (28. april 194427. juni 2003) var ein norsk lærar og politikar frå Innvik i Nordfjord. Han representerte Sogn og Fjordane og Kristeleg FolkepartiStortinget i 2001 til han døydde sommaren 2003.

Aarøen var son til ein gardbrukar. Åra 1963-67 utdanna han seg til lærar ved lærarskulane i Sogndal og i Volda. Etter fire år som lærar ved Farnes skule i Sogndal, flytta han til Selje kommune og arbeidde ved Selje skule 1971-75 og 1975-87, samt Stadlandet skule 1975-80. I 1987 vart han tilsett rektor for Sandane skule i Gloppen, ei stilling han skjøtta til dess han vart vald til stortingsrepresentant i 2001.

Aarøen var aktiv i Kristeleg Folkeparti allereie midt på 1960-talet. Han var medlem av kommunestyret i Selje frå 1976 til -87, varaordførar 1980-81 og ordførar 1982-83. Deretter var han medlem av fylkestinget i Sogn og Fjordane fireårsperioden 1988-91, før han så var med i Gloppen kommunestyre 1992-95 og 1999-2001.

Hausten 2001 vart Aarøen vald inn på Stortinget frå Sogn og Fjordane, der han fekk plass i sosialkomiteen. Han sat som stortingsrepresentant til han i 2003 vart sjukmeld med dødeleg kreftsjukdom.

Kjelder[endre | endre wikiteksten]