Magnus Bernhardsen
| Magnus Bernhardsen | |
 | |
| Statsborgarskap | Noreg |
| Fødd | 12. mai 1976 (47 år) Oslo |
| Yrke | organisasjonsarbeidar, litteraturvitar |
| Verv | Leiar i Norsk Målungdom |
| Periode | 1998+2000 |
| Føregangar | Håkon Kolmannskog |
| Etterfylgjar | Astrid Sverresdotter Dypvik |
Magnus Bernhardsen (fødd 12. mai 1976) er ein norsk målmann og venstreaktivist frå Oslo. Han var leiar i Norsk Målungdom i åra 1998-2000, og arbeidde som organisasjonssekretær i Noregs Mållag frå 2000.
Barndom og oppvekst[endre | endre wikiteksten]
Magnus Bernhardsen budde dei fyrste leveåra sine på Tau i Ryfylke. Familien flytte til Veitvet i Oslo, og der har han budd sidan. Han gjekk på ålmenfagleg linje på vidaregåande ved Oslo katedralskole i 1992-95. Dessutan har han studert bibliotekfag i eitt år ved Høgskolen i Oslo.
Målsak[endre | endre wikiteksten]
Då han var leiar i Norsk Målungdom, profilerte Magnus Bernhardsen kampanjane «Ta flagget tilbake frå nazistane» (1998) og «Stogg urbanismen» (1999). Hausten 2000 tok han over etter Vidar Lund som organisasjonssekretær i Noregs Mållag sentralt.
Andre verv i og for målrørsla[endre | endre wikiteksten]
- Leiar i Oslo Mållag 2000–2001
- Medlem av skriftstyret for Mål og Makt (tidsskriftet til Studentmållaget i Oslo) 2000–2006.
- Styremedlem i Landsrådet for Noregs barne- og ungdomsorganisasjonar (LNU) frå 2001–2003.
Anna[endre | endre wikiteksten]
Bernhardsen er svært aktiv Vålerenga-supportar, og har vore medlem av hovudstyret i Klanen (2006-2007).
I 1995 skreiv han heftet Biji Kurdistan (utgjeve av Raud Ungdom, ISBN 82-992848-6-4) saman med Lars Julin etter ei reportasjeferd i Kurdistan.