Magnus Nilssen

Magnus Nilssen
Fødd	18. juli 1871 Lillehammer kommune
Død	20. november 1947 (76 år)
Statsborgar av	Noreg
Parti	Arbeidarpartiet, Norges Socialdemokratiske Arbeiderparti
Yrke	politikar
Institusjonar	Noregs Statsbanar

Magnus Nilssen (18. juli 1871–20. november 1947) var ein norsk gullsmed og politikar frå Lillehammer. Han var stortingsrepresentant for Oslo i periodene 1907-1921 og 1928-1945, medlem av Arbeidarpartiet, Norges Socialdemokratiske Arbeiderparti. Nilssen var i 1928 arbeidsminister i Hornsrud-regjeringa.

Liv og gjerning

Nilssen var ferdig utdanna gullsmedsvein i 1889. Han engasjerte seg tidleg i arbeidarrørsla. Etter å ha hatt verv i Gullsmedenes forening og Sarpsborg og omegns Arbeiderforening vart han vald inn i Arbeidarpartiet sitt sentralstyre i 1900, og ver medlem i sentralstyret i til saman nesten 40 år; periodene 1900-1921 og 1927-1945. Frå 1901 til 1918 var han ein av partisekretærane i Arbeidarpartiet. Han vart vald inn i Kristiania bystyre i 1901, og sat totalt sju periodar i bystyret og formannskapet.

Nilssen representerte Arbeidarpartiet på Stortinget i ni valperiodar. Åra 1907-21 vart han vald inn i einmannskrinsen Gamlebyen i Oslo. Nilssen høyrde heime mellom dei moderate arbeidarpartifolka, og då Arbeidarpartiet vart radikalisert i tida etter 1918, var han mellom dei politikarane som i 1921 braut ut og danna Norges Socialdemokratiske Arbeiderparti, eit parti han var formann for frå byrjinga i 1921, heilt til dei to partia vart samla att i 1927. Frå gjenforeininga var han nestformann i Det norske arbeidarparti til 1939.

Sidan 1928 var han stortingsrepresentant til 1945. Han var Lagtingspresident 1919-21 og Stortingets visepresident 1935-45.

Kjelder

• Magnus Nilssen. Store norske leksikon / Norsk biografisk leksikon (NBL)
• Magnus Nilssen Arkivert 2012-05-27 ved Wayback Machine. i Norsk samfunnsvitenskapelig datatjeneste