Mahindra & Mahindra

	Mahindra & Mahindra
	;
	;
Bransje	Bilindustri
Skipa	2. oktober 1945
Hovudkontor	Mumbai
Land	India
Produkt	personbilar, terrengbilar, lastebilar, traktorar, motorsyklar
Grunnleggjar(ar)	Jagdish Chandra Mahindra
Resultat	6 700 000 000 USA-dollar (2008)
Nettstad	http://www.mahindra.com (engelsk)

Mahindra & Mahindra Ltd. er ein indisk bilprodusent, med hovuedkontor i Mumbai, som og produseret andre køyretøy, som motorsyklar, traktorar, osb.

Føretaket vart stifta i 1945, medan India framleis var under britisk okkupasjon, av dei to brørne J.C. Mahindra og K.C. Mahindra, saman med Ghulam Mohammed^[2]. Det opphavlege namnet var Mahindra & Mohammed Limited, men då India vart sjølvstendig i 1947 forlet Mohammed føretaket for å verta finansminister i Pakistan. Namnet vart då endra til Mahindra & Mahindra Ltd. den 13. januar 1948. Føremålet med føretaket var opphavleg å produsera nyttekøyrtøy for den indiske marknaden^[3].

Personbilar

Mahindra & Mahindra produserer ei rad med ulike person- og varebilar. Mange av desse er stasjonsvogner, eller småbilar med bakluke.

Nyttekøyretøy

Dei fyrste åra produserte Mahindra & Mahindra terrengbilar og lette lastebilar. Eit av produkta var Jeep terrengbilar, som dei produserte på lisens. Dei har sidan utvida produksjonen med fleire terrengbilar, militærekøyretøy, osb. Eit anna produkt er rickshawar.

Motorsyklar

Mahindra & Mahindra produserer òg motorsyklar og scooterar. I 2014 kjøpte dei 51 % av Peugeot Scooters frå Groupe PSA.

Traktorar

I 1963 tok Mahindra & Mahindra, saman med International Harvester, til med å produsera landbrukstraktorar. I 2007 tok dei over traktorprodusenten Punjab Tractors, og føretaket utvikla seg til å verta den største traktorprodusenten i India. Dei har òg kjøpt opp ein traktorfabrikk i Kina og har samlefabrikkar i Storbritannia og USA. I 2018 vart Mahindra & Mahindra det føretaket som produserte flest traktorar i verda^[4].