Maiduguri

Frå Wikipedia – det frie oppslagsverket
Gå til: navigering, søk
Maiduguri i Nigeria

Maiduguri er ein by som ligg nordaust i Nigeria, rundt 11 mil sørvest for Tsjadsjøen. Han er delstatshovudstad for Borno og har rundt 1,1 millionar innbyggjarar (2004).[1]

Maiduguri blei grunnlagd av britane kring 1907.[1] Det moderne Maiduguri omfattar også Yerwa, som blei grunnlagd i same tidsrommet som hovudstad for kanurifolket. Byen har lenge vore eit viktig handelssentrum og vegknutpunkt.[1] Statusen som kommersielt sentrum blei styrka då jernbanen kom i 1964.[2] Byen er no ein av dei største i Nord-Nigeria. Han er sluttpunkt for jernbanelinjer frå Lagos og Port Harcourt.[1] Han har også ein flyplass, Maiduguri International Airport. Maiduguri er sete for eit universitet grunnlagd i 1975 og ein teknisk høgskule.[1]

Dei fleste innbyggjarane i byen er kanuritalande muslimar, men det finst også fleire minoritetsgrupper, mellom anna kristne. Byen har fleire gonger opplevd valdsame samanstøyt med etnisk eller religiøs bakgrunn, mellom anna i 1982,[3] 2001,[4] i samband med Muhammed-karikaturane i Jyllands-Posten i 2005,[5] og i 2009.[6]

Maiduguri er opphavsstaden for terroristgruppa Boko Haram, og har seinare vore åstad for terorriståtak og kampar om byen. Boko Haram gjekk til åtak på ein militær- og ein flybase i nærleiken i desember 2013, og prøvde å ta kontroll over byen.[7] 10. januar 2015 drap eit bombeåtak under mandagsmarknaden her 19 menneske.[8] Natt til 25. januar same år byrja fleire hundre Boko Haram-soldatar eit større militæråtak på byen,[7] men blei raskt drivne ut.[9] 7. mars 2015 drap fem ulike sjølvmordsbomber over 50 menneske og såra over 140.[10] 11. august drap eit nytt åtak på marknaden rundt 50 menneske.[11]

Kjelder[endre | endre wikiteksten]

  1. 1,0 1,1 1,2 1,3 1,4 Maiduguri, http://snl.no/Maiduguri, henta 7. november 2010 
  2. Maiduguri, Encyclopædia Britannica, lese 2010-05-13
  3. Nigerian Toll Put at 452 In Religious Riots, 1 november 1982, http://www.nytimes.com/1982/11/01/world/around-the-world-nigerian-toll-put-at-452-in-religious-riots.html?sec=&spon=, henta 7. november 2010 
  4. Barnaby Phillips (10. januar 2001), «Eclipse triggers Nigeria riot», BBC News, http://news.bbc.co.uk/2/hi/africa/1110791.stm, henta 7. november 2010 
  5. ReliefWeb: Nigeria's northeast state imposes curfew after religious crisis, http://www.reliefweb.int/rw/RWB.NSF/db900SID/EKOI-6M83L9?OpenDocument, henta 6. april 2007 
  6. Nigerian Islamist attacks spread, BBC, 2009-07-27, http://news.bbc.co.uk/2/hi/africa/8169966.stm, henta 27. juli 2009 
  7. 7,0 7,1 Mark, Monica (25 January 2015), Nigerian City Under Attack from Suspected Boko Haram Militants, The Guardian, http://www.theguardian.com/world/2015/jan/25/nigerian-city-maidugur-attack-boko-haram, henta 25 January 2015 
  8. Nossiter, Adam (10 January 2015), In Nigeria, New Boko Haram Suicide Bomber Tactic: "It's a Little Girl", The New York Times, http://www.nytimes.com/2015/01/11/world/africa/suicide-bomber-hits-maiduguri-nigeria-market.html?_r=0, henta 25 January 2015 
  9. Faith Karimi and Aminu Abubakar (2015-01-26). «Nigerian soldiers save one city from Boko Haram but a nearby one is seized». CNN.com. http://www.cnn.com/2015/01/26/africa/nigeria-boko-haram/. Henta 2015-01-29. 
  10. «5 suicide bomb blasts rock Maiduguri city in northeast Nigeria, 54 dead, 143 wounded: official». AP. 2015-03-07. http://bigstory.ap.org/article/e919a0bfeaed4701b65accfe7651789e/5-suicide-bomb-blasts-rock-maiduguri-city-northeast-nigeria. Henta 2015-03-07. 
  11. «Suspected Boko Haram bomb in Nigerian market kills about 50», The Guardian, 12 August 2015, http://www.theguardian.com/world/2015/aug/12/suspected-boko-haram-bomb-in-nigerian-market-kills-about-50 

Bakgrunnsstoff[endre | endre wikiteksten]

Koordinatar: 11°50′N 13°9′E