Maksim Tarasov

Frå Wikipedia – det frie oppslagsverket
Hopp til navigering Hopp til søk
Maksim Tarasov
Verkeleg namn russisk skrift Максим Владимирович Тарасов
Statsborgarskap Sovjetunionen
Fødd 2. desember 1970
Jaroslavl
Idrett friidrett
Yrke stavhopper

Maksim Vladimirovitsj Tarasov (fødd 2. desember 1970) er ein russisk, tidlegare friidrettsutøvar frå Jaroslavl. Han deltok i stavhopp for Sovjetunionen og seinare Russland, og vart olympisk meister i 1992, europameister i 1998 og verdsmeister i 1999. Hans bestenotering er på 6,05 meter, berre verdsrekordhaldaren Serhij Bubka hoppa høgre før 2008.

Aktiv[endre | endre wikiteksten]

Tarasov tok bronsemedaljen under friidretts-VM 1991, der Bubka vann sitt trede strake VM-gull. Året etter vart Tarasov olympisk meister i Barcelona. Både under VM 1993 og 1995, då Bubka tok nye VM-titlar låg Tarasov like under, med bronse i -93 og sølv i -95. I 1997-sesongen sette han personleg rekord då han svinga seg over 6 meter. Under VM 1997 i Aten gjekk han over 5,96 m og tok sølv, atter vart Bubka for dyktig med sine 6,01 m.

I 1998 vart Tarasov europameister i Budapest, i ei tevling utan dei store prestasjonane. Derimot imponerte han stort då han året etter svinga seg over 6,02 m under verdsmeisterskapen i Sevilla og tok ein klar siger. Elles i 1999 gjorde han sitt livs beste stavhopp då han persa med 6,05 m. Under OL 2000 avslutta han karrieren med å vinne si åttande medalje i ein av dei store meisterskapane; VM, OL og EM.

Medaljar og plasseringar i internasjonale meisterskap[endre | endre wikiteksten]

Kjelder[endre | endre wikiteksten]