Malvik kommune

Frå Wikipedia – det frie oppslagsverket
Hopp til navigering Hopp til søk
Malvik kommune
kommune
kommunevåpen
Land Flag of Norway.svg Noreg
Fylke Trøndelag
Adm.senter Hommelvik
Areal 169 km²
 - land 162 km²
 - vatn km²
Folketal 13 958 (1. januar 2018)
Folketettleik 86 / km²
Målform bokmål
Ordførar Ingrid Aune (Ap)
Kommunenummer 5031
NO 5031 Malvik.svg
Wikimedia Commons: Malvik
Nettstad: www.malvik.kommune.no


Malvik er ein kommune i Trøndelag. Den ligg mot Trondheimsfjorden i nord og grensar til Stjørdal i aust, Selbu i sør og til Trondheim i vest. Administrasjonssenteret Hommelvik og Vikhammer er folkesetnadstyngdepunkta i kommunen. Europaveg 6 og Nordlandbanen kryssar kommunen i austleg–vestleg retning.

Malvik har tradisjonelt vore eit jordbruksdistrikt, basert på dyrehald og korndyrking, som enno er omfattande. Hommelvik vart bygd opp rundt sagbruk. Verkstads- og næringsmiddelindustri er framtredande; på Sveberg har Nortura det største slakteriet i landet. I mellom- og etterkrigstida bygde mange trondheimarar fritidsbustader i Malvik. Seinare har dei nye busetnadene på Vikhammer, Saksvik og Hundhammaren fått eit typisk forstadspreg. Rundt 60 % av dei sysselsette i kommunen pendlar til Trondheim, og Malvik vert rekna som ein del av Trondheimsregionen.

Geografi[endre | endre wikiteksten]

Dølafossen i Homla.
Foto: Roy Kvarme

Kommunen grensar til Trondheim i vest, Selbu i sør og Stjørdal i aust. Malvik grensar dessutan til Klæbu i eit punkt på Hevillen (412 moh.).[1] Malvik har to små eksklaver (Jøsåsgardane) som er omgjeve av Stjørdal kommune, men berre har vegsamband til Malvik.[2]

Kommunen ligg mot Trondheimsfjorden i nord med ei kystlinje på 24 km. Kommunen mæler 168 km², der 124 km² er skog, 14 km² dyrka mark og 7 km² ferskvatn. Homla, med ei samla lengd på 29,5 km, har utløp i Trondheimsfjorden ved Hommelvik.[3] Geologisk ligg kommunen i Trondheimsfeltet, så berggrunnen består i all hovudsak av fyllitt. Dyrka leirbakkar finst langs fjorden og innover eit par dalar opp til ca. 150 moh. Lengre inn i landskapet finst myr, nokre små innsjøar og skogkledde åsar. Det høgaste punktet i kommunen er på 624 moh. og ligg i lia opp mot Baklifjellet (Vennafjellet) på grensa mot Selbu. [4]

Stader i Malvik[endre | endre wikiteksten]

  • Smiskaret (Bygd)
  • Malvik (Bygd)
  • Muruvik (Grend)
  • Hommelvik (Bygd)
  • Vikhamar (Tettstad)
  • Saksvik (Tettstad)
  • Hundhammaren (Tettstad)
  • Mostadmark (Bygd)
  • Bjørnmyra (Bygd)
  • Svehøgda (Bygd)
  • Kvegjerdet (Storgård)

Samfunn[endre | endre wikiteksten]

I Malvik er det éin vidaregåande skule, Malvik vidaregåande. Skulen har i dag eit breitt fagtilbud fordelt på fem ulike studieretningar med 343 elevar.

Skular[endre | endre wikiteksten]

Barneskular[endre | endre wikiteksten]

  • Hommelvik skole
  • Vikhammeråsen grendaskole
  • Vikhammer skole
  • Saksvik skole
  • Sveberg skole

Ungdomsskular[endre | endre wikiteksten]

  • Hommelvik ungdomsskole
  • Vikhammer ungdomsskole

Vidaregåande skular[endre | endre wikiteksten]

  • Malvik vidaregåande skole

Politikk[endre | endre wikiteksten]

Kommunestyrevalet 2015

Historie[endre | endre wikiteksten]

Malvik vart eigen kommune i 1891 etter å ha vorte utskilt i frå Strinden herad.

Kultur[endre | endre wikiteksten]

Konsertar[endre | endre wikiteksten]

Café Rampa i kommunesenteret Hommelvik er staden der flest konsertar blir halde. Kaféen er forresten òg kjent frå NRK-programmet Billetten og frå TV3-programmet Hellstrøm ryddar opp.[1][2]

Festival[endre | endre wikiteksten]

Årleg vert Arbeidarfestivalen arrangert i Hommelvik. Festivalen vart starta i 2004 og har som føremål «å synleggjera historia til arbeidarrørsla og kultur med utgangspunkt i lokal tradisjon og historie.»[3]

Tusenårsstad[endre | endre wikiteksten]

Tusenårsstaden til kommunen er kyrkjestova ved Malvik kyrkje.

Lokalmedia[endre | endre wikiteksten]

Kommunen vert dekt av dei to avisene Malviknytt og Bladet. I februar 2017 vart Malvik-Bladet slått saman med Stjørdalens blad under namnet Bladet.

Severdigheter[endre | endre wikiteksten]

Nygårdsvolden[endre | endre wikiteksten]

Nygårdsvolden ligg fem minutt i frå Hommelvik sentrum og var tidlegare ein husmannsplass. Johan Nygaardsvold vart fødd her, men flytta då faren døydde (1897) husa ned til Hommelvik sentrum.

Mostadmark jernverk[endre | endre wikiteksten]

Mostadmark jernverk vart etablert i 1653. Den første jarnsmeltinga starta våren 1657 og produkta var i hovudsak krigsmateriell til festningsanlegg i trondheimsområdet, men verket vart etter kvart hovudleverandør av jarn til kongen av Danmark. Danskekongen vart etter kvart så avhengig av jarnet frå verket at han konfiskerte verket frå eigaren til verket, svensken baronet William Davidson då det braut ut krig mellom Danmark-Noreg og Sverige. Jernverket gjekk konkurs i 1695, men i 1758 vart drifta starta opp att og det vart drive jernverk heilt fram til 1872. Det vart vedteke å leggja ned verket fordi jernverket i europeisk samanheng var eit lite jernverk, og det vart for dyrt å laga kol av tre i tilhøve til prisen på steinkol.


Kjende malvikingar[endre | endre wikiteksten]

Referansar[endre | endre wikiteksten]

  1. «Om kommunen». 
  2. Brekk, Sverre (2007). «Prestvegen fra Jøsåsen til Værnes». Historisk årbok nr. XVI. s. 51–53. 
  3. Mal:NVE Atlas
  4. Jf. www.norgeskart.no


Litteratur[endre | endre wikiteksten]

  • Buhaug, Karl Petter (1977). Landnåm og kolonisasjon. Bosettingshistorie i Malvik fram til ca. 1350. 
  • Forbord, Kåre (2003). Malvik bygdebok. Bosteds- og brukerhistorie for Malvik. Folk og liv i hus (rev. utg.). 
  • Fredriksen, Leif (1970). Klassemotsetninger og politisk spenning på industristedet Hommelvik i Malvik kommune i årene 1910-1915. 
  • Haldberg, Tor m.fl. (red.) (1987). Hommelvik kirke 100 år. ISBN 8273580075. 

Eksterne lenkjer[endre | endre wikiteksten]