Marcus Cælius Rufus

Frå Wikipedia – det frie oppslagsverket
Hopp til navigering Hopp til søk

Marcus Cælius Rufus (82-48 f.Kr.) var ein romersk politikar og elev av Cicero. Cælius levde eit liv i luksus og hadde ein affære med Clodia, som seinare skulda Cælius for å freiste å myrde henne med gifta. Trass i Cælius sin livsstil og vennskapet med Ciceros politiske fiende Caitilina, valde Cicero å forsvare han i ein tale som er teken vare på for ettertida. Då Cicero seinare var guvernør i Kilikia (51-50 f.Kr.) heldt Cælius han oppdatert om dei politiske hendingane i Roma. Desse breva er tekne vare på i Ciceros brevsamling Ad Familiares.

Som politikar tente Cælius som tribun i 52 og edil i 50. Då den store romerske borgarkrigen braut ut støtta Cælius Julius Cæsar, og vart utnmend til pretor i 48. I den tida då Cæsar var borte frå Roma skapte Cælius så mykje uro i byen at han laut flykte derifrå. Han slutta seg så til ei samansverjing mot Cæsar saman med Titus Annius Milo, og vart drepen kort tid etter.

Kjelder[endre | endre wikiteksten]

  • Cælius Rufus, Marcus (1916). I Salmonsens konversationsleksikon. IV: Bridge—Cikader (s. 391-392). København: J. H. Schultz Forlagsboghandel.